首頁 日報娛樂

慶祝躋身京奧 外遊叉電 歐鎧淳開心返港親民出巡

11/10/2019
■5呎7吋高嘅歐鎧淳,笑容和長腿都好迷人。
■5呎7吋高嘅歐鎧淳,笑容和長腿都好迷人。 (1/7)

  27歲嘅「美人魚」歐鎧淳,月前出征新加坡,成功奪得2020東京奧運嘅入場劵,更成為香港第一位四戰奧運嘅女泳手,回港後接連外遊慶祝,鬼咁happy。日前下午,好有星味嘅淳淳BB現身銅鑼灣,見佢一身潮裝,尤其熱褲下長腿好搶鏡。發現本報記者,淳淳BB都友善揮手say hi,似足港姐出巡。        採訪 : 李權威

  仙氣十足嘅高妹歐鎧淳,月前成功奪得2020東京奧運團體及個人入場劵,即興奮與父母去咗日本慶祝,順便充電休息。日前,淳淳BB再與友人飛咗去意大利,仲技癢帶埋一件頭泳衣去當地Lago di como(科莫湖)游水,搞到網民都紛紛問佢凍唔凍!

星味現身

  接連外遊叉電後,近日淳淳BB又被邀飛往法國與品牌合作。日前,佢閃現返港就約好友去銅鑼灣。當日下午3時許,身穿白色熱褲露出長腿嘅淳淳BB,夾住個名牌clutch bag現身銅記街頭買魚蛋、燒賣小食。經友人通水後,佢見到鏡頭時雖一臉驚訝,但仍保持微笑。其後,兩人行上附近商場,逗留一會又獨自落樓,往便利店買支裝水。淳淳BB落樓梯時,主動揮手微笑,似足港姐出巡。記者上前追訪,「美人魚」親切回答說:「陪朋友嚟整指甲咋,o依家走嘞!」然後打的走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd