首頁 日報娛樂

開完工單拖行街 譚凱琪着短褲仔晒靚腳

11/10/2019
■因為有樣又有對腳,隔住條馬路一眼就望到Zoie。
■因為有樣又有對腳,隔住條馬路一眼就望到Zoie。 (1/7)

  TVB熱播劇《金宵大廈》好受歡迎,單元《金丁》貼地又搞笑,渴望搵到富貴男人嘅會計妹譚凱琪(Zoie)唔經唔覺37歲,一副童顏嘅佢被網民激讚。日前下晝5點半,化咗妝嘅Zoie現身銅鑼灣,因為佢着住短褲仔,對腳反晒光好搶眼,原來佢啱啱收工,見佢入咗間做緊大減價嘅店舖睇精品,行咗十幾分鐘就走,無買到嘢呀。採訪:梁志明

  因為同陸永在《金宵大廈》有牀上戲,譚凱琪坦言拍攝前都好尷尬, Zoie回憶拍牀戲時連表情都要配合地震,她說︰「我有問男友睇唔睇,佢有時會同我一齊研究,又會批評我嘅演技,有啲尷尬。」觀眾反應好,應該無晒尷尬啦。

無人打擾慢慢行

  當日,見到着住背心外套加短褲,拎住化妝袋嘅Zoie喺銅鑼灣利園附近出現,佢喺利園吸停車場飛,之後就去附近店舖行一陣,因為全店大減價,最低半價,所以Zoie咩都有興趣,睇吓Cushion又睇吓杯,總之樣樣得意嘢都拎上手睇吓,因為有靚腳又生得靚,好多顧客都忍唔住對佢眼望望,但無人求合照怕打擾佢,行咗十幾分鐘就離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd