首頁 日報娛樂

高貴街坊look出巡 胡蓓蔚打招呼好起勁

14/10/2019
■化咗個靚妝嘅豹嫂同記者揮晒手,好Warm啊。
■化咗個靚妝嘅豹嫂同記者揮晒手,好Warm啊。 (1/8)

  胡蓓蔚下個月就48歲,因為保養好又識着衫,橫睇豎睇最多似38歲。日前夜晚七點,豹嫂同助手去ifc行街,上身好高貴下身穿三個骨加拖鞋,高貴街坊look唔係個個着得起,但佢無問題,仲幾有型添。又試頸鏈又試衫,買咗幾袋嘢嘅佢好歡欣,見到記者仲揮手揮得好起勁,你好呀豹嫂。 採訪:李權威

  豹嫂唔算好多劇拍,做綜藝節目嘅量亦唔多,不過佢出鏡率幾高,因為「胡說八道」一班好姊妹勁多聚會,開生日會啦,杏兒細仔擺百日宴啦,仲有佢哋兩公婆勁多圈中老友,加上豹嫂係「Crazy Runner」成員,總之工作量唔多,但出鏡率好高啦。

  當日晚上七點,化晒妝,着到上身好高貴,但下身好街坊嘅豹嫂同女助手去ifc shopping,佢先去睇首飾,對簡約風嘅頸鏈最有興趣,不斷睇,最後仲叫店員拎畀佢試戴,因為條領好闊,助手要幫拖,試戴完照吓鏡,唔太啱心水。之後佢都有繼續睇,但都睇唔啱。然後再去Zara,估計之前已留貨,因為豹嫂一入店就直接搵店員拎衫去更衣室試衫,試足45分鐘,試完好滿意即排隊找數,離開時,豹嫂發現記者係咁揮手,仲要非常咁用力揮,咁開心咩?

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd