首頁 日報娛樂

為太極35周年鋪路 鄧建明單飛Show搵許志安「復出」

15/10/2019
■Joey Tang話最近壓力大到瞓着覺會磨牙,可能係囝囝去咗外國讀書,老婆注意力落晒佢身上,搞到無晒自由,但佢話都開心嘅!
■Joey Tang話最近壓力大到瞓着覺會磨牙,可能係囝囝去咗外國讀書,老婆注意力落晒佢身上,搞到無晒自由,但佢話都開心嘅! (1/6)

  太極明年成立35周年,成員鄧建明(Joey Tang)喺周年紀念前玩單飛,於11月20日在九展舉行一場《Joey Tang "Music Playground"演唱會2019》,為合體演出先做個熱身,仲打算請埋35年嚟搵過他做演唱會band leader、表演嘉賓及歌曲和唱等嘅歌手一齊玩,當係答謝佢哋多年嚟嘅賞識,老友許志安當然係被邀之列:「佢喺我生命佔好重要嘅位置,但我唔會逼佢,安哥話會考慮。」採訪:方騫平 髮型:Seiko@Hair Culture        化妝:Kei Kei Ng        場地:BALL ROOM



  就算單飛開Show,Joey Tang未驚過,坦言大把嘢玩,因為35年來同唔少歌手合作過:「如第一首錄音作品係李克勤嘅《紅日》,其後仲有湯寶如《緣份的天空》、黎明《我這樣愛你》等;又同過張學友《偷閒加油站》及黎明《藍色街燈》等唱和音。21年前許志安同陳慧琳做嘅商台《拉闊音樂會》都係由我同黃丹儀等伴奏,同埋陳慧琳首《嚴重》由我做監製,所以好想嚟返個集體回憶。」

  Joey強調唔係想借新聞人物安哥做宣傳,只係回想《拉闊》當晚大家真係睇得好感動。「不過安哥未落實,我都唔敢逼佢,至少我作畀佢嘅《一家一減你》必定會喺我個唱中出現。」問到安仔同Sammi是否歐遊兩次後已回復恩愛?Joey笑住回應,「哈!我又冇份去,但都有問候過佢,我哋呢啲好Man,淨係簡單問句:『Are you ok?』只要佢畀個手勢同符號回應我,我經已好安心,我哋唔會講出口,在心中,只要佢開心舒服就得。」至於會否擔心到時安仔現身會搶風頭? Joey答得自信,「不嬲都係佢搶我鏡㗎啦,但唔好忘記,我做佢演唱會嘉賓時都有搶過佢鏡㗎。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd