首頁 日報娛樂

曝光奇招 定位傾電話 徐子珊商場企足20分鐘

16/10/2019
■子珊呢日出巡,係咁喪傾電話。
■子珊呢日出巡,係咁喪傾電話。 (1/6)

  40歲嘅徐子珊(Kate),自15年離開TVB後,轉簽王祖藍,主攻喺內地發展。日前下午,好耐無喺港娛圈曝光嘅Kate,獨自現身中環。見手挽一袋戰利品嘅佢去完銀行,隨即走入附近商場涼住冷氣傾電話。只見Kate都幾長氣,企喺度「人肉定位」喪傾廿分鐘,短褲下晒長腿,有啲「收視」㗎! 採訪 : 張詠森

  04年港姐冠軍徐子珊,近年主力到內地拍戲搵人仔,極少在港曝光。今年,佢演出過邵氏網劇《守護神之保險調查》。劇集播出時,網民曾經好戥阿Kate唔抵,話子珊啲戲份少過劉心悠,不過當事人一於少理,皆因佢近年努力讀書增值自己,讀完珠寶設計就開設自家首飾品牌,去年再報讀心理學碩士課程,下一步,仲想讀埋個心理學博士學位添。

  近日,子珊拍完內地一套古裝劇後「回歸」香港,日前下午打扮靚靚走轉中環。當日見Kate有化妝,穿上粉色套裝晒腳仔現身萬宜大廈。然後拎住袋戰利品走去附近銀行,在理財櫃位坐低傾嘢。逗留約15分鐘,子珊折返萬宜大廈。見佢開始忙睇手機,睇咗一陣索性撥通電話直接對話。此時,子珊企喺一間舖頭前面猛講手機,繞埋手又有啲皺眉頭咁,傾吓傾吓成二十分鐘。其間有途人向Kate長腿掃兩眼,雖然未必記得子珊個名,起碼美腿贏「收視」啦!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd