首頁 日報娛樂

同fans過36歲生日 鄧麗欣被催婚當聽唔到

16/10/2019
■對於被fans催婚,Stephy笑言聽唔到。
■對於被fans催婚,Stephy笑言聽唔到。 (1/4)

        昨日是鄧麗欣(Stephy)的36歲牛一,習慣每年生日閉關特「瞓」的她今年約了一班fans開生日會,提早慶祝她的「第二個18歲生日」,對於被fans催婚,壽星女笑言聽不到。至於正日會否跟男友王子度過?她扁嘴笑言:「今年佢要做嘢呀。」

        在生日會上,fans除了送上親手炮製的生日蛋糕外,又陪Stephy大玩「估歌仔」、「歌詞接龍」等遊戲,不少忠實fans擁有驚人記憶力,對Stephy多首金曲倒背如流,令她驚訝不已。

  生日會有溫馨傾心事環節,fans非常關心Stephy的人生大事,乘勢追問她與男友王子的婚期,令壽星女哭笑不得。對於被fans連番催婚,Stephy笑言:「我懷疑佢哋係臥底,好多fans無端端好官腔問我幾時結婚,我已飽歷風霜,呢個問題已被人問咗十年,已習慣,所以當聽唔到!」提到生日正日點過,Stephy透露通常都進行特「瞓」,閉關瞓足一天,她笑言:「通常在生日前一日慶祝,玩完通宵之後,正日就瞓覺,休息一日。」追問Stephy是否與男友度過?她則扁嘴笑言:「冇啦!今年佢要做嘢,我唔知佢係咪講大話啦,哈哈!應該唔係嘅,佢真係去咗第二度做嘢,冇所謂啦。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd