首頁 日報娛樂

煞科仲忙幫仔女揀泳衣家庭樂 陳豪做阿四 溫馨陪愛妻上糧

16/10/2019
(1/9)

         滿分人夫陳豪(阿Mo),日前被本報喺銅鑼灣野生捕獲,同視后李佳芯趕拍新劇《愛美麗狂想曲》外景。上周煞科後,阿Mo一連兩日分別閃現銅鑼灣和淺水灣。先見佢一支公喺銅記揀小朋友保暖連身泳衣;另一日下午,阿Mo當然做番family man,「愛妻號」偕母親陪老婆陳茵媺(Aimee),齊齊去淺水灣一間超市大手上糧。見人夫甘心做「阿四」連走兩轉,o氹到愛妻不停冧笑啦!

採訪:梁志明、李維隆、張詠森

        48歲保鮮男神陳豪為新劇《愛美麗》留鬚,愈睇愈man,新劇近日煞科,阿Mo隨即回歸家庭樂啦!日前周六下午2時許,為方便仔女返學而月租7萬多元搬往南灣嘅陳豪夫婦,偕陳豪媽媽往寓所附近嘅淺水灣行超市。三人在超市瘋狂上糧,買咗好多豆奶、撈麵、蔬果、新鮮豬肉等等,放滿4、5大袋,食足兩日都得。只見人夫先和外籍司機走一轉,拎咗3大袋上車。阿Mo再折返搵老婆和媽咪時,被男途人截停「集郵」都有講有笑,好nice。其後,阿Mo兩公婆以身掩護陳母閃上車。兩夫婦見慣鏡頭則向記者友善揮手微笑,極度親民,最後直返寓所湊小朋友。

教子女游水

  另一日,阿Mo獨自喺銅鑼灣商場行逛。見佢先獨自往銀行櫃員機襟錢,然後行入一間運動用品店,睇小朋友保暖連身泳衣。近日愛上一家五口幸福暢泳嘅阿Mo,主要睇吓藍色短袖泳衣,似想買畀兩個寶貝仔Aiden和Nathan Lucas。其間,「男女通殺」嘅男神遇到一位中佬fans,兩男好friend咁笑口吹水再影合照,視帝魅力沒法擋呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd