首頁 日報娛樂

仙氣花旦唔造作 真女神李佳芯晒雪腿癲笑實錄

17/10/2019
(1/11)

  連月嚟負評不絕嘅無線視后李佳芯(Ali),雖然飽受攻擊,但仍敬業樂業專心為新劇《愛美麗狂想曲》埋尾。日前倒數煞科日下午,Ali與楊思敏(蝦頭)和何廣沛(Matthew)「突襲」上環街頭拍外景。三人合作數月已非常熟稔,鏡頭後不時吹水講笑打成一片。當Ali和Matthew拍完對手戲後,男方倒後行險仆倒,Ali睇住整過「PK」過程,即忍唔住彎腰狂笑,真性情任你影,好可愛呀!

採訪 : 李權威、李維隆

        憑劇集《BB來了》於去年《萬千星輝頒獎典禮2018》登上視后寶座嘅Ali,因其早前喺社交網嘅敏感言論,搞到被內地網民封殺,更傳出被大台「雪藏」,慘被飛出兩部重頭劇,帶挈上位中嘅張曦雯接棒受力捧,唔單止取代Ali成為《踩過界2》女主角外,連對方廣告等工作亦全面接收。

煞科日倒數

  事業告急,但無損Ali為新劇埋尾嘅專業精神。日前下午,仲有3日就完成5個月拍攝過程,靚女Ali穿上貼身衫配短褲晒雪白長腿,現身上環街頭精神開工。同場仲有搞笑高手蝦頭和男神何廣沛。蝦頭喺《愛美麗》中奉旨性感,幾乎套套戲服都晒「事業線」,當日亦唔例外,紫黑色deep V套裝下,露出3吋深溝,非常養眼。見三人埋位前興奮吹水,蝦頭瞇眼大笑,笑到咔咔聲。不過work hard play hard,之後三人都有認真對稿才開始拍攝。

笑到癲咗

  先拍攝兩女一邊講對白,一邊並肩行嘅鏡頭。簡單文戲,導演兩take收貨。之後,輪到型男Matthew上場,拍攝佢拎住本旅遊隨筆書搵Ali,一pair靚人深情對話後,Matthew溫柔出手替Ali撥吓頭髮,感動到女神眼紅紅,再轉身離開。此時,Ali突然彎腰失笑,原來好chok咁轉身走嘅Matthew差啲仆倒,Ali睇住整過「PK」過程,唔理有本報記者在場探班,笑到癲咗!睇到佢笑到面紅耳赤,又怕怕羞羞用本書遮樣,可愛度又加分呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd