首頁 日報娛樂

跟夏雨仔分手瘦兩個碼 SG@Cheronna望以事業為重

18/10/2019
■訪問當日Cheronna被記者取笑瘦到胸都細埋,她還識搞笑地用手遮胸,失戀心情看來已平復不少。
■訪問當日Cheronna被記者取笑瘦到胸都細埋,她還識搞笑地用手遮胸,失戀心情看來已平復不少。 (1/6)

  Super Girls隊長Aka(趙慧珊)及成員Cheronna(吳嘉熙)將於11月24日參加聯合國兒童基金會「為兒童跑」慈善長跑賽,兩人雖然有跑馬拉松經驗,近日仍跟教練Lawrence Wong積極備戰。兩人接受訪問時,正值Cheronna被爆跟夏雨囝囝黃奕晨分手前夕,當日見Cheronna明顯瘦了兩個碼,她解釋只是減肥,而談到下個出嫁成員,更以事業為重推諉,原來剛經歷情傷。   撰文:杜淑霞 攝影:李維隆 髮型:Calvin Tsoi@HAiR(Cheronna)、Alva Lam@HAiR(Aka)  化妝:Melody Chiu(Cheronna) 場地:adidas

  Aka及Cheronnasu已非首次參加這個慈善長跑,仲異口同聲大讚跑得特別開心,「因為會喺迪士尼樂園起步,其中有大段賽程仲會喺個園入面,聽見去樂園玩嘅人歡笑聲,跑起嚟會特別起勁㗎!仲有臨返終點段路風景仲好靚添!」得知到時有卡通人物陪起步及到終點打氣,兩人更即變小朋友勁興奮。

  正因兩人都有跑馬拉松經驗,反而不會掉以輕心,Aka說:「我之前試過姿勢唔正確,搞到整傷咗,所以都要早啲開始準備。」而聲稱被指太肥而刻意減肥的Cheronna,仲話要再減,「我唔睇磅數,但係想再fit啲,着衫都好睇啲。」

  提到成員Jessica(蔡明思)早前下嫁台灣圈外男友Steven成為人妻,兩人都強調自己不會成為隊中第二位人妻,30歲的Cheronna說:「我o依家事業為重,唔會係我啦!我哋都睇好Yanny(陳穎欣)會係下個最快嫁。」而32歲的Aka更狠批自己會成為隊中最遲出嫁的人,她笑言:「因我係隊長,要守護其他成員出嫁先嘛!」但被Cheronna踢爆:「佢事業心太重,就算有對象根本冇時間畀另一半。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd