首頁 日報娛樂

早知王敏奕為曾志偉新抱 樓南光拍鹹戲唔使借位

18/10/2019
■光哥坦承以往導演愛找他演搞笑角色,今次在《假》角色相當好有新鮮感。
■光哥坦承以往導演愛找他演搞笑角色,今次在《假》角色相當好有新鮮感。 (1/6)

  樓南光近年主力在內地發展,因掛住講廣東話同港式快靚正製作模式,故最近參與ViuTV劇集《假設性無罪》演出,劇中他飾演公司老闆「鄭賢正」,他直言未試過做「衣冠禽獸」角色,夠晒挑戰性,但也怕被對手誤會是鹹濕佬,所以跟王敏奕拍攝有身體接觸戲份時,主動要求借位,更笑言若早知對方是曾志偉新抱仔就放心演,因志偉知他為人。採訪:杜淑霞 場地:釣魚船屋



  光哥坦言在內地開工,雖然食得好住得好,但間中都會掛住香港拍攝,「內地會尊稱我哋做老師,食同住都一流,雖然香港拍攝環境冇咁好,但係真係會掛住可以講廣東話演戲,同埋香港嘅模式係彈性好多,始終我哋係香港出身嘛!」

  光哥又坦言今次同監製好熟,角色又有新鮮感,直言未試過做「衣冠禽獸」都要挑戰下,不過入行超過30年的他也怕尷尬,「我哋呢啲樣,好容易畀人誤會係鹹濕佬,我又同王敏奕係第一次合作,所以拍啲有身體接觸嘅戲,我主動要求借位。我後尾睇新聞先知佢原來係志偉新抱仔,唔係大家熟啲可以放啲,志偉又知我為人嘛!」

  65歲的光哥,直認入行多年都有見過女藝人被人抽水,「喺電視台化妝間見到由頭掃到尾龍骨,當時冇出聲呀!畀着o依家都未必出聲,點知佢哋立場係點先。不過,我作為男人都好唔明白一啲男人心態,齋睇同掂吓咁,點會覺得過癮呢!?我一定要移動到先有滿足感啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd