首頁 日報娛樂

做運動瘦身唔瘦面 陳嘉桓趕住買特價護墊

19/10/2019
■雖然無化妝,但拎住Uniqlo膠袋嘅陳嘉桓其實幾易認。
■雖然無化妝,但拎住Uniqlo膠袋嘅陳嘉桓其實幾易認。(1/6)

        去年中,有傳26歲嘅陳嘉桓(Rose)跟38歲嘅黃宗澤(Bosco)合作拍攝網劇《守護神》撻着,兩人誓神劈願話無嘢,朋友Only,但早前兩人傳出秘遊馬來西亞,男方又安排前經理人陪Rose行街,咁有情有義話無嘢真係搵邊個信。日前下午,之前肥咗好多,近日自稱做運動又瘦咗,住銅鑼灣嘅Rose落街買衞生用品,係無之前咁厚肉,但包包面仍在,肥嘟嘟幾得意。

        年初,Rose曾經暴肥,砧板背肌加超強勁下盤,雙下巴更非常不得了,好彩當事人有自知之明,啟動搣走肥肉Mode,佢話:「之前試過節食減肥,只食梳打餅同菜,結果連上圍都縮細,出現離罩情況。最近,我去做運動健身,出嚟效果不錯,雖然操練後反而重咗六磅,但睇起嚟就瘦過之前,最緊要上圍無減,變得更實淨。」

長腿好多人望

  日前下晝5點,喺銅鑼灣見到着住黑色背心外加件Tee、熱褲及踢拖嘅Rose去萬寧買嘢,因為佢住老銅所以一身街坊裝落街都好正常,雖然佢無化妝,但因為條腿,所以望兩眼已鎖定目標,陳嘉桓無誤。見佢拎住支飲品,穿過幾條馬路就入咗萬寧,一入去就直接行去女性用品區域,望咗幾秒入手有特價的護墊,買完排隊再行返屋企,沿途佢不斷發短訊,好似好忙,而途人就不斷望佢嗰對長腿。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd