首頁 日報娛樂

單拖買嘢好有興緻 拉姑入名店狂試頸鏈

21/10/2019
■拉姑入到名店,即急不及待揀耳環嚟試。
■拉姑入到名店,即急不及待揀耳環嚟試。 (1/7)

  狄波拉(拉姑)做咗嫲嫲多年,今年終於做埋婆婆,36歲的女兒謝婷婷在美國秘密產女。本月尾就68歲生日的拉姑,日前穿白衫白褲加花花長外套到金鐘太古廣場shopping,得工人姐姐陪住買嘢都好有興致,買到一袋二袋,最後入咗Chanel大出血,試耳環同頸鏈等試咗10幾款,全部好靚但又無啱心水。直至發現有記者,她就友善地笑一笑,然後轉到VIP房再慢慢揀。 採訪:李維隆

  謝婷婷今年6月突然宣佈秘密產女,有指女兒生父是溫哥華富商。榮升外婆的拉姑表示已見過BB亦抱過,她開心自讚自己和婷婷都靚,所以孫女都生得標緻。雖然拉姑有兩個寶貝孫仔Lucas和Quintus,但他們一直跟母親張栢芝住,過時過節先見面,而孫女仲細又不在港,所以拉姑得閒時,除了鍾意偕老公「鬍鬚Kong」江耀城去拍拖或約三五知己去high tea,最愛就是到名店shopping。

  日前下晝,老公唔係身邊,得菲傭姐姐陪住嘅拉姑去太古廣場shopping,行咗一陣已買到一袋二袋,最後入咗Chanel專門店。靚嫲嫲對首飾好有興趣,她先揀了幾對耳環試戴,試完又喺舖內兜圈,乜都睇吓之後跟住又睇吓頸鏈,店員見貴客有興趣即逐一拿給她試。拉姑將頸鏈放上身,跟住話唔係咁襯自己;有啲啱心水嘅就會好仔細咁照鏡,再攞上手細望,試咗半個鐘都未揀啱心水,之後拉姑發現記者,她先向記者友善地笑一笑,然後店員便安排她到VIP房繼續揀。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd