首頁 日報娛樂

傭人陪Shopping 羅霖搵到食買名牌唔手軟

23/10/2019
■羅霖在Chanel買完靴,與傭人一齊離開。
■羅霖在Chanel買完靴,與傭人一齊離開。 (1/7)

  54歲的羅霖(Candy)是三子之母,呢位單親媽媽好厲害,離婚七年努力搵錢撐起一家四口,佢仲話為咗啲仔可以努力工作到80歲。因為要經常出席活動見人,不斷置裝是必須的,日前見羅霖偕傭人到銅鑼灣利園入貨,去完名店Chanel買靴,再去時裝店Pinko揀裙及外套,兩間都買得好雀躍,睇嚟呢位靚媽嘅庫房非常充足。採訪:梁志明

  Candy指大仔Nathan先後在英國和美國共修讀了3年的大學法律課程,但因無法面對讀書壓力及遭人欺負,最終決定退學回港轉讀設計。對於兒子白白浪費了3年時間和7位數字學費,羅霖坦然好心痛,認為兒子未有體諒她工作苦況,幸好現時Nathan回港讀書也讀得開心,加上二仔Jordan在美國讀大學獲得獎學金,令Candy大感安慰。她指二仔性格硬淨,而細仔Jonathan更非常明白適者生存道理,不用她擔心。

  日前傍晚,羅霖着到好靚去利園shopping,她先去名店Chanel,對鞋最有興趣,先睇靴,再睇高踭鞋,因為新款太多眼花繚亂,Candy都睇咗好耐,試完再試最後扑槌買咗對長靴,冬天出活動絕對幫到手。離開該店時遇到記者,她笑一笑再揮手打招呼,問佢之後去邊?她笑住答:「我上樓上嗰層睇衫。」之後入了時裝店Pinko,Candy目標好明確,主力睇外套,試完白色褸再試黑色,還揀了幾條裙入更衣室試,逗留了約1小時就畀錢走人,收穫非常豐富。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd