首頁 日報娛樂

前電波少女變幸福少奶 汪琳同餅印女街市親子樂

04/11/2019
■汪琳同囡囡Kesha個樣同表情都似到十足十,行街時仲雞啄唔斷。
■汪琳同囡囡Kesha個樣同表情都似到十足十,行街時仲雞啄唔斷。 (1/7)

  女藝人星途麻麻唯一好出路,似乎就係嫁個有錢人。汪琳08年下嫁商人張忠弦(Joey)後,11年誕下囡囡梓彤(Kesha) 決心離場做全識少奶奶,去年11月再生埋囝囝Lewie湊成好字後,似乎更加享受呢個身份,日前見她同餅印囡囡行街巿,兩母女全程有傾有講,Kesha仲幫手揀生果,親子時刻好鬼溫馨。  採訪:梁志明

  41歲嘅汪琳,TVB訓練班畢業後,靠98年對打亞姐節目《超級電波少女大激鬥》成為電波少女成員為人熟識,可惜無以為繼,由汪曉文改名汪琳後依然無起色,08年跟拍拖5年的Joey正式拉埋天窗。

  汪琳11年誕下囡囡Kesha,已開始減產,13年約滿後便專心相夫教女,原來她一直想懷第二胎,可惜14年一度小產,不過她未有放棄,去年終得償所願11月再為老公誕下6.8磅囝囝Lewie湊成好字。以往都會湊囡囡出席公開活動的她,有了Lewie更加少現身,可能囝囝年紀太細比較困身。

  不過,Lewie現已一歲大,汪琳接Kesha放學都可以親自出馬。日前黃昏6點幾,汪琳接完囡囡放學,齊齊去鵝頸橋街巿掃貨,生完一年的汪琳似乎仲未收身,仍然面圓圓,但Kesha同佢成個餅印咁,仲要齊齊帶住個圓眼鏡,夾到暈。見她們主力揀生果,睇完舖頭再行去路邊檔。8歲的Kesha亦好叻女幫手媽咪揀蘋果,汪琳亦細心講解點樣揀,全程相處融洽,行街巿變成親子樂。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd