首頁 日報娛樂

唔急生B 等嫁女神瘋狂晒命 倪晨曦好威 乜都話晒事

04/11/2019
甜蜜幸福
■Elva講起未來老公V先生就笑到見牙唔見眼,夠晒甜蜜幸福!
甜蜜幸福 ■Elva講起未來老公V先生就笑到見牙唔見眼,夠晒甜蜜幸福!(1/7)

        今年初,擁有逾73萬follower的KOL界人氣女神倪晨曦(Elva)宣佈明年二月下嫁拍拖兩年、從事金融業的圈外男友V先生,正式封盤。準新娘表示最愛未婚夫能給予安全感,對她又好千依百順,絕對是「愛妻號」。至於32歲的Elva講明婚後繼續做嘢,生BB遲啲先,老公無意見總之乜都就晒老婆,好閃呀!

Elva原定婚期於本年尾,但因book唔到場地要押後至明年2月底舉行,行禮、註冊和婚宴全在香港搞掂,她表示現與未婚夫開始籌備婚禮,問是否由她揸fit?Elva表示她一早揀好晒所有嘢,例如場地主題、佈置和鮮花等,如果過程中遇到難題,未婚夫就會出手解決。與未婚夫拍拖兩年,雖然時間不算太長,但已很了解,她說:「啱啱拍拖時都有少少爭拗,可能相識時性格唔係最夾,但呢兩年相處得好已經好了解。」

讚未婚夫細心

談到honeymoon地點時,Elva顯得好頭痕:「結婚好多嘢搞好煩,完晒先再諗。」問未婚夫最想去邊?她即笑言:「佢冇㗎!(你話晒事?)係吖!」Elva續稱最欣賞未婚夫好孝順,續說:「佢好錫屋企人,(佢好似照顧屋企人咁照顧你?)係吖,同佢一齊好安心,好似去旅行我唔鍾意plan好多嘢,但佢係做足10分嘅功課,之前去玻利維亞影婚紗相,佢搵咗好多資料,諗好晒schedule,真係好細心!所以同佢去旅行我乜都唔使做,淨係搵啲地方影吓靚相就得。」

做嘢先唔生住

未婚夫如此寵愛,Elva婚後可以做少奶奶,她卻說:「我係工作狂,一定會繼續工作。」她表示出Trip做嘢都冇問題,但時間只限於一星期,如果多過一星期,會叫另一半飛去當地陪伴。她表示老公是百分百支持她工作,但當然她都要畀多啲時間喺屋企,問她愛做「煮婦」嗎?茹素兩年幾的她笑言:「喺屋企淨係煮素食,如果佢想食肉就要出街食。」問到婚後會否隨即展開造人大計?她笑笑口:「隨緣啦,呢樣嘢係個天賜畀你嘅。」她指生BB心急唔嚟,反而嚟緊大計是開瑜伽studio,她說:「我做瑜伽都有6年,考咗牌都有教人,早前同朋友傾開,大家想夾份開間studio,希望忙埋婚禮後,明年可以成事!」

撰文:李佩儀 攝影:李維隆 婚紗:AOLISHA Dorian Ho

化妝:Janice Lam @glowmakeupacademy

髮型:Eas Fu @Admix HairStyling

場地:如心海景酒店暨會議中心

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd