首頁 日報娛樂

奮發圖強扭轉歧視 向佐自豪是中國人

05/11/2019
■向佐立志成為功夫演員。
■向佐立志成為功夫演員。 (1/3)

  向佐最近分享一段短片,他開首表明「身為中國人而感到自豪」,生於香港的向佐細道往事,「13歲去咗英國一間寄宿學校讀書,住第二晚已經畀十幾個同學用枕頭打……第二日,有高年班師兄叫我去執樹枝同洗碗,我問點解?佢話:『因為你係中國豬。』」

  向佐首度受到歧視,感到很不開心,「未出國前,以為自己是香港人,原來喺國外,我就係中國人,身為中國人,對民族有一份強烈感情。」向佐留意到英國人都喜歡Rugby,「我為咗玩Rugby,唔理落雪定落雨都不停練,有日教練終於發現我有進步,有一次仲安排我落場處理罰球,嗰刻我只有一個信念,就係『向前衝』,最後隊友讚我做得好,亦開始被尊重。」

  此後,再無人叫向佐做中國豬或欺負他,他亦立志成為功夫演員,「我想通過呢個專業,延續同發揚我哋民族不屈不撓嘅精神。」向佐最後重申,「我通過我嘅言行,我嘅努力,以最適合自己嘅方式去表明身為中國人嘅自豪!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd