首頁 日報娛樂

TVB開電視ViuTV自由出入 黃淑儀否認有江湖地位

06/11/2019
■GiGi姐去過ViuTV又去過香港開電視,而家又返去TVB。
■GiGi姐去過ViuTV又去過香港開電視,而家又返去TVB。 (1/6)

  72歲黃淑儀(GiGi姐)獲樂易玲邀請簽邵氏一年,在myTV SUPER上架播放她自製的烹飪節目《Gi味俱全》。自從今年1月約滿無線後,GiGi姐過檔ViuTV,稍後又跟陳倩揚合作為香港開電視做綜藝節目。能夠係三個平台自由進出,連無線都肯放行,足以證明GiGi姐的身份。對此,GiGi姐馬上耍手擰頭及否認有江湖地位:「千祈唔好咁講,煮嘢食都係殊途同歸。」採訪:方騫平



  早於14年前,GiGi姐主持TVB《吾湯吾水》爆紅成為煮食icon,《名人廚房》、《住家廚神》、《吾淑吾食》等陸續有來,做到手軟。連樂易玲都唔放過呢個已離巢「寶物」,馬上拉返她入邵氏,更容許她撈過界。GiGi姐好多謝樂小姐欣賞她的節目:「《Gi味俱全》每集15分鐘煮一個餸,針對每個餸會有詳盡講解同埋畀小貼士。」她曾出過十四本烹飪書,創意食譜多到不得了,所以經常留在家中分類和做整理:「愛上廚房後會有好多唔同玩法,尤其知道食材性質後,煮法可以有好多變化,做咗烹飪節目後使命感重咗,我唔會畀框框限死自己,盡量發掘新嘢,如炆咗幾十年豬肉,突然試吓加入鎮江香醋,原來出嚟食法好唔同,老公唯一投訴話,請客就唔好試新嘢,但我堅持請得入屋食飯全部係好朋友,應該唔會介意。」

  節目中GiGi姐沒打算請嘉賓幫手試食:「除非叻過我嘅專業廚師就話可以互相切磋啫,試食咁就好無謂,因為點都有讚冇彈,其實我好怕喺鏡頭前食嘢,除肥姐外,我覺得冇一個藝人食相會好睇,肥姐食得到嗒嗒聲好滋味,而且食住講嘢會好無儀態同禮貌。之前拍劇有食飯戲好辛苦,鏡頭前變咗你夾畀我,我夾畀你,食住飯講對白會噴到周圍都係,食物又可能黐喺牙罅度,我拍親都會耍手擰頭叫導演唔好。當年做大Show司儀要試食大廚嘉賓作品,嗰次我食完就避開鏡頭。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd