首頁 日報娛樂

收偶像周慧敏祝福短訊 黃心美只望心穎健康快樂

07/11/2019
■黃心美及陳思銘喺新節目《男士堂》中介紹男士收藏。
■黃心美及陳思銘喺新節目《男士堂》中介紹男士收藏。 (1/6)

  黃心美及陳思銘(Samuel)主持香港開電視節目《男士堂》,節目講到男性的嗜好和收藏。黃心美自言最珍貴的收藏來自小時候的幾千張明星閃卡,其中以超級偶像周慧敏(Vivian)及黎明最多。她自爆:「最開心近日收到Vivian傳來短訊,佢話:『我會為你同你屋企人祈禱,希望可以彌補到傷痛。』雖然幫得唔多,但呢個短訊令心靈暖咗一吓。」採訪:方騫平         髮型:Cedric Tsang @ Nova Hair Nail

化妝:Dera Tse & Kinki Wong        場地:Barry@relaxdearhk(cubus28)





  偶像周慧敏的祝福成為黃心美「心靈雞湯」,她感激說:「其實我同周慧敏唔熟,但佢有睇過《全民造星I》對我都好關注,佢好好人。」不過,心美笑言只係自私收藏訊息,沒有轉畀家人分享。心美視周姑娘係女神,當年只着迷Vivian及黎明,之前喺工作場合遇過黎天王有合照過。細個收埋大量閃卡,至今寶物還存放在溫哥華老家唔捨得掉:「呢啲唔係扭㗎,因為屋企附近有間文具店,自從識咗個老闆之後索性逐張買。」

  提到胞妹黃心穎狀況,心美說:「佢情緒都係咁up and down啦,o依家努力生活囉,由佢自己決定去向,佢都咁大個人,家姐唔可以畀任何意見,將自己認為啱嘅嘢投射喺佢身上,逼佢咁做,只要佢開心、健康就夠。(提醒佢日後要揀啱對象?)呢方面更加唔需要提醒,咁大個人行乜路係要自己承擔。」另外,唐詩詠緋聞男友陳思銘喺3年前曾經用4萬元買了一隻古董錶,o依家隻錶升價至12萬。問到是否證明揀手錶和揀女友同樣眼光獨到?他怕醜地笑說:「都OK嘅,我有要求,要心地好人品好,冇內涵唔揀。(唐詩詠呢?)全港電視觀眾都鍾意佢,包括自己,係真粉絲,都好欣賞佢嘅。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd