首頁 日報娛樂

一天光晒 走出婚變危機 洪欣同老公湊女 終於識笑

07/11/2019
為妻護航
■張丹峰睇實個女之餘,仲幫太太開路。
為妻護航 ■張丹峰睇實個女之餘,仲幫太太開路。 (1/10)

        49歲洪欣和38歲的老公張丹峰結婚10年,去年7月男方被爆與經理人畢瀅過從甚密而鬧出緋聞,當時洪欣對老公表示信任,強調清楚知道兩人只是工作關係,但有消息指今年農曆新年期間,洪欣到重慶探張丹峰班送驚喜,卻發現老公同畢瀅共處酒店房,關係古怪令她拂袖而去,隨即傳出婚變。今年六月,兩公婆一齊去澳門睇已成內地組合「新風暴」成員的兒子張鎬濂開騷,表現一般,有指張丹峰一直為「偷食風波」努力箍煲,送車又報行蹤,總算o氹番有米老婆!上周二,兩公婆帶埋5歲囡囡同女友人及另外三個小朋友去銅鑼灣shopping,張丹峰全程陪住太太睇首飾又護實個女好體貼,最難得見到素顏的洪欣終於識笑,咁咪好囉。

洪欣09年下嫁張丹峰,姊弟戀最初不被看好,難得兩人愛得癡纏,5年後仲生埋個女張晞彤。無奈去年7月爆出張丹峰搭上經理人畢瀅,今年4月更傳出二人在酒店夜會。有指洪欣不但沒有為丈夫護航,張丹峰更承認有同老婆鬧過交,「婚變」似層層。隨住畢瀅引咎辭職,張丹峰為修補關係,除咗開工就長期陪住老婆,務求重拾洪欣對佢嘅信任。

冇以前咁sweet

  今年9月,當時在內地拍戲的洪欣返港與好姊妹蔡少芬慶生,同一時間張丹峰被本報拍到在銅鑼灣時代廣場shopping,最終冇買嘢,沿黃泥涌道行返老婆名下豪宅,唔敢四圍去。而上月初,洪欣與張丹峰趁十一國慶假期帶女兒出國旅遊,但張丹峰只在社交平台貼出自己與女兒彤彤的遊玩相,未見一家三口合照,似乎兩夫妻感情仲未回復舊觀。

幫太太攞衫

  事隔一個月,兩人關係終於有新轉機,上周二晚上7時,素顏洪欣同張丹峰帶住囡囡彤彤去利園睇珠寶,同行還有女友人同三個小朋友,只見他們在店內走嚟走去好開心。洪欣睇首飾時,囡囡又話要睇埋一份,張丹峰亦陪伴左右畀意見,老公識做,洪欣亦甜甜笑表示滿足。逗留咗約半個鐘,一行七人便離開。原本洪欣要孭袋又拎住女兒件外套好論盡,一直兩手fing fing嘅張丹峰即主動幫太太攞外套,可以加分啊。

兩公婆好傾

  行到出門口,張丹峰對眼仲一直冇離開過囡囡,之後他一馬當先走在太太前面睇實個女,而洪欣就可以好安心咁同友人吹水,偶然張丹峰會搭嘴講兩句,只見洪欣全程笑咪咪。之後他們慢慢沿黃泥涌道行去禮頓山時,張丹峰繼續同老婆洪欣有眼神交流好好傾,成個Shopping過程輕鬆又溫馨,睇嚟一天光晒咯喎。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd