首頁 日報娛樂

首爾拍旅遊節目着唔夠衫 莊端兒睇日落凍到硬晒

08/11/2019
■莊端兒首次來到天空公園,靚到不得了!
■莊端兒首次來到天空公園,靚到不得了! (1/7)

  莊端兒(Xenia)早前與模特兒鄧詠雪(Sherin)為自家網上頻道到首爾拍攝旅遊節目,她笑言是經fans在網上投票、再根據高票數景點去拍攝的。結果她們去了天空公園、梨花女子大學、慶熙大學、景福宮和首爾塔下咖啡廳等必到的打卡位。而她最鍾意就是天空公園,因可看到一望無際的芒草田,在山頂又可俯瞰首爾市日落景色,但因為好凍大叫頂唔順。仍是單身的她都「恨」拍拖,但現階段希望以工作為重。撰文:李佩儀

  Xenia表示今次好多地方都係第一次去,在梨花女子大學可以看到紅葉,在慶熙大學有宏偉的教堂可參觀,她更穿上傳統的韓服到景福宮祈福。而她最喜歡就是天空公園,她坦言:「行210級樓梯後到達一望無際嘅芒草田,真係好靚;山頂仲可以俯瞰整個首爾市日落嘅景色,好浪漫!」只可惜今次不是跟男朋友一齊看,她苦笑說:「仲要入夜後得番攝氏8度左右,我又着唔夠衫,凍到變雪條。」問她有拍拖嗎?她續說:「仲係單身,雖然有人追,但未有心儀對象,所以暫時都係以工作為先。」

  每次Xenia去韓國都鍾意品嚐傳統地道美食如醬油蝦及蟹、孔陵一隻雞、燒肉、網紅打卡早餐及吐司店等。而她的至愛就是以醬油蟹配紫菜拌飯,她表示韓國紫菜特別香口,再加入雞蛋、蟹膏和泡菜伴飯,好食到不得了!她還推介網紅早餐打卡店「Egg Drop」及「本粥」,她說:「我發覺韓國人做吐司嘅水準好高,呢間秘製醬汁好好味;而食粥呢間有各式各樣嘅粥,招牌菜係非常辣嘅泡菜海鮮粥,又有適合全素食人士嘅素粥,好特別!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd