首頁 日報娛樂

被秋和政點名合唱情歌 羅啟聰讚韓妹溫柔勝港女

08/11/2019
■羅啟聰跟秋和政合作好開心。
■羅啟聰跟秋和政合作好開心。 (1/7)

  羅啟聰(狗毛)去年以歌手身份參加ViuTV《全民造星》時廿強止步,亦無緣入選男團MIRROR。曾經唔開心嘅佢憑住音樂才華簽約大名娛樂更受力捧,甚至被韓國女星秋和政點名要跟他合唱國語情歌《原來真的愛上了》。受寵若驚的狗毛坦承做音樂好多時一個人,好孤單,同秋和政合作可帶走憂鬱,因為首歌好有愛。採訪:方騫平 髮型:Mandy Hui@haircreator (on Kis)

化妝:Suri Cheung (on Kis) 場地:areabyzerve



  今年7月,秋和政機緣巧合下睇咗羅啟聰演唱會,覺得他聲線好好、彈結他又叻,因而提出將自己喺兩年前創作的情歌跟他合唱,兩人更會在香港、韓國及台灣三地宣傳新歌,和政大讚狗毛好勤力,合作得好有火花。至於係咪愛火花時,狗毛笑說:「老實講每次投入音樂時,曖昧感覺更加強烈,音樂好神奇,可以將唔同文化嘅人拉埋一齊,我都好欣賞有才華嘅女仔,而且單身咗咁多年,有機會喺工作上搵到愛嘅感覺好開心,佢係我第一個韓國歌手朋友,好珍惜呢個關係。」

唔敢提舊愛許靖韻

  當追問到和政好還是前度「小背心」許靖韻好呢?羅啟聰即嘩然說:「我唔敢亂講嘢,你玩我啫,真係好行貨咁話各有各好,因為係唔同文化嘅人,而且我唔會望返轉頭,我o依家揀佢(秋和政)…一齊做歌。」狗毛認為韓妹夠細心溫柔,港女就夠率直,其實狗毛未同過韓妹拍拖,試吓無妨吖。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd