首頁 日報娛樂

二女陪買 入手Bra Top賀瓷婚 邱淑貞好體貼沈嘉偉

08/11/2019
認真揀Top
邱淑貞入到名店無耐就睇中呢件黑色Bra Top,店員再拎高畀佢細看,之後佢就拎入更衣室試。
認真揀Top 邱淑貞入到名店無耐就睇中呢件黑色Bra Top,店員再拎高畀佢細看,之後佢就拎入更衣室試。(1/8)

        1999年10月31日,邱淑貞同時裝王國I.T主席兼行政總裁沈嘉偉喺東京結婚,當年男方仲揸住架法拉利跑車載老婆喺日劇拍攝浪漫地彩虹橋兜風,話咁快就20年。上周三(30/10),15歲二女沈日陪51歲靚媽去中環Shopping,點解會知阿女陪阿媽?從揀嘅衫估到囉,一條白色仙氣連身裙,一件黑色性感Bra Top,後者感覺好久違,結婚二十周年,當然要隆重其事,着靚啲食餐好嘅,沈嘉偉真有福。

邱淑貞三個字近年見報率好高,點解?因為佢個17歲,被稱為「最索星二代」的大女沈月。沈大小姐如迷你版邱淑貞,好靚,好有星味,每逢佢update ig,傳媒會報導,網友會討論,邱淑貞成為必提項目。加上佢成日陪阿媽行街,總之報導量極高。

沈日有啲無聊

  近數月, 沈月去咗英國讀書,ig又無成日update ,好似靜晒,好彩佢有個阿妹沈日,15歲唔似阿媽似阿爸,有啲baby fat,好可愛。上周三下晝三點,沈太同沈日去咗中環雪廠街行名店,兩母女喺英國設計師品牌Simone Rocha揀衫,睇沈日百無聊賴四圍行,對成熟型靚衫無乜興趣,而邱淑貞就好聚精會神咁揀,師傅明白了。

入I.T避記者

  邱淑貞同個女行咗一個鐘,靚媽揀咗一條仙氣白色連身裙加一件黑色Bra Top,見佢望住Bra Top幾秒,個樣先尷尬後歡容,然後就拎咗入更衣室試,試完滿意就當然畀錢,離開時兩母女發現記者,沈太即刻戴返副黑超,沈月完全無問題,任你影,然後兩母女行咗入I.T.,好耐都未出嚟。

採訪:李權威

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd