首頁 日報娛樂

男友花六小時到內地送藥 江嘉敏熱戀期冧爆晒命

13/11/2019
■江嘉敏認為玩水上game衝嚟衝去好刺激,所以堅持在泳衣外面着背心仔。
■江嘉敏認為玩水上game衝嚟衝去好刺激,所以堅持在泳衣外面着背心仔。 (1/8)

        江嘉敏(Kaman)早前被指「收兵」,瞞住電競公司高層男友Anthony跟其朋友兼生意拍檔「X先生」王仁灝搞曖昧,但小風波冇阻真愛,兩人愈愛愈烈。之前江嘉敏跟楊潮凱、傅嘉莉等去咗廣州、清遠、連州拍《識玩旅行團》第二輯,她自爆外景期間發燒唔舒服,男友來回用咗6個小時,人肉速遞送藥送心意卡。問到係咪喺「收兵」風波後男友更緊張她?她冧爆說:「熱戀期係會做多啲sweet嘢,佢仲應承我,以後都會咁做,多啲嚟探我班呀。」採訪:方騫平

        11月4日係Kaman 25歲牛一,Anthony喺社交網站貼出二人甜蜜照,大男人Anthony仲唔怕肉麻,公開冧稱女友做「my boss」,Kaman秒速畀like。江嘉敏指男友好錫她,之前返內地外景時濕完身又曬過,有晚突然發燒,當她視像嗲完男友後,料不到他竟飛奔前往送藥及心意卡。

男友愛人肉速遞

  講返件事,江嘉敏仲好回味:「當時我準備上牀,佢扮room service撳門鐘,我真係畀佢嚇親,係感動嘅,尤其長途跋涉嚟到,因為第二日要返工,只能短留個零鐘就要走。(經過上次小風波後更愛對方?)熱戀期係會做多啲sweet嘢,唯有返港後請佢食餐好嘅。其實佢經常會嚟探班爭取同我見吓面,之前去台灣拍《殺手》,佢都有專程過嚟同我慶生。」當問到婚期時,江嘉敏就話言之過早喇。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd