首頁 日報娛樂

「神算師」認真揀銀包 王梓軒隨身成疊500蚊

15/11/2019
■今時今日好多人都用電子錢包,但好富貴嘅梓軒仍然選擇袋一疊錢出街。
■今時今日好多人都用電子錢包,但好富貴嘅梓軒仍然選擇袋一疊錢出街。(1/8)

        王梓軒下個月就會開入行十周年演唱會,呢期當然忙做Gym,因為男歌手開親Show都話要騷肌。不過日前見到梓軒未算好大隻,見佢一支公去咗Porter(日本品牌)揀銀包,為試真啲銀包嘅袋錢量,佢將自己銀包嗰疊500蚊放落去新銀包,再秤吓再望吓再諗吓,裝得落就入手,眾所周知梓軒有名「神算軒」,經佢計過度過一定無問題。採訪︰梁志明

        梓軒開Show未透露請咗邊個做嘉賓,但就講定演唱會會提早喺晚上7時15分開始,問到係咪遷就交通?佢承認,「希望觀眾開心及安全嚟睇騷。」再問會否擔心取消?佢就話其中一名投資者曾幫周杰倫搞演唱會,「佢叫我唔使擔心,到時會安排穿梭巴士接送觀眾。」如果會展附近變「仙境」呢?投資者幫Michael Jackson搞過演唱會都無用啦。

梓軒原來幾靚仔

  當日傍晚6點,戴住金絲眼鏡同穿恤衫嘅王梓軒去銅鑼灣百德新街買銀包,梓軒咩款都望吓,會將信用卡之類嘅東西或一疊500蚊放入新銀包睇吓,見到裝得落唔太脹,入手唔使諗,之後再試斜孭袋,孭上身照吓鏡,個樣好滿足,揀足一粒鐘,梓軒笑笑口離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd