首頁 日報娛樂

與梁雍婷首演情侶夠合拍 黃又南狂減磅仍自責不專業

18/11/2019
■又南雖然年紀大Rachel足足10年,但孩子臉的他跟女方依然合襯。
■又南雖然年紀大Rachel足足10年,但孩子臉的他跟女方依然合襯。(1/7)

        黃又南和梁雍婷(Rachel)最近在「香港亞洲電影節」開幕電影《再見UFO》內首度合演情侶,又南話跟Rachel溝通得好好,完全不覺對方只拍了三部電影,Rachel就讚前輩夠親切,特別是分手戲份兩人都非常投入。講到戲中要扮演患有血癌角色,又南坦承有為角色專登減掉18磅,但依然嫌厭自己太大隻,自責未夠專業。

去年憑《藍天白雲》獲香港導演會最佳新演員獎及香港電影金像獎最佳新演員獎提名的Rachel ,相對於入行18年的又南絕對是新丁,但兩人合作起來完全不覺經驗的差異,又南說:「真係睇唔出佢咁新,我哋溝通得好好。」 Rachel又坦承最初見到前輩確實有膽怯,「見到偶像,梗係會緊張啦!但係見到真人咁nice,就放心好多,同埋就算幾緊張,埋到位都唔可以影響演出。」

鵬哥演技厲害

  戲中又南演的「何家謙」因自小患有血癌,身體較為孱弱,但剛巧去年開拍前他為Shine第二次紅館演唱會《Shine Moments Live 2018》操大隻,「雖然我拍前專登減磅,都有成18磅,但係好多肌肉大咗就收唔番,如果係以前身型演起嚟應該更適合,所以我唯有着長袖衫遮住,其實應該再減多啲,我覺得自己咁樣係唔夠專業。」談到戲中他跟盧海鵬一段爺孫情感人,又南都相當認同,「我細個都係喺屋邨跟阿爺同阿嫲大,所以感受特別深,同埋鵬哥真係好厲害,最深刻有幕佢見到我喊望一望我,拍嘅時候我真係感受到佢關心我,同埋有佢喺度大家會拍得特別舒服,所有人都會睇佢頭嘛!」

撰文:杜淑霞 攝影:李維隆

髮型:Louis Tse @number 8 hair salon(又南)、 Oscar Ngan@ii Alchemy(梁雍婷)

化妝:Henry Tse @ Big C Styling(又南)、 May Lin(梁雍婷)

服裝:Lane Crawford(又南)、 Love, Bonito及CHARLES & KEITH(梁雍婷)

場地:R One Space(銅鑼灣)

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd