首頁 日報娛樂

拍片細道病發治療過程 李珊珊患驚恐症:眼前一黑窒息如瀕死

23/11/2019
■李珊珊以「大字報」形式道出對抗驚恐症過程。
■李珊珊以「大字報」形式道出對抗驚恐症過程。(1/6)

        42歲前四料港姐冠軍李珊珊神隱7年,其間絕跡公開場合,一直傳她因患腦瘤而退隱,但均被珊珊否認。直到今年2月她終於站出來,現身慈善音樂會,在台上分享這些年的抗病歷程後,最近她再為精神健康基金會拍片,以手寫巨型「大字報」,告訴大家她抗驚恐症經歷,更獲多位圈中好友古天樂、何超蓮、甘比、崔加寶、鄭秀文(Sammi)及林保怡支持!

李珊珊早前為精神健康基金會拍攝短片,她在片中以手寫「大字報」訴說自己患驚恐症的情況及治療過程:「我係李珊珊,I have a story to tell……2017年,我身處醫院,當時因為種種原因 ,第一次出現非常激烈嘅病徵,發熱、標冷汗、全身冇力、呼吸困難,不停地掙扎,直至眼前一黑,嗰種令人窒息嘅感覺,我直頭覺得係瀕死邊緣。經過唔同嘅檢測,專科醫生都搵唔到病因,病徵持續出現,每日都徘徊地獄又折返人間,兜過唔少冤枉路,做過唔少測試,都係搵唔到病因。

好友不離棄 病情已好轉

  「直至有一日……經轉介去見劉英傑醫生,我先知道,個病係叫驚恐症,幸好劉醫生教曉咗我,情緒病其實同傷風感冒一樣,有得醫。我開始向信得過嘅朋友分享,輕描淡寫地透露我嘅狀況,就好似患咗傷風感冒一樣,No big deal。然後,我就只係做兩件事,準時覆診,準時食藥,加上好友們嘅關心同不離不棄,病情慢慢好轉,驚恐症嘅症狀無再發生,瀕死邊緣嘅感覺無再出現,我就知道,我嘅情況受到控制。

  「而家睇返轉頭,慶幸當初堅持搵病嘅根源,知道問題根源先可以搵啱解決方法。情緒病其實同普通病無分別,搵啱醫生食啱藥,病就自然會好。我選擇行出嚟同大家講我嘅故事,係希望有相同遭遇嘅朋友,又或者你身邊有相同遭遇嘅朋友,都可以分享佢哋嘅故事。」

古仔Sammi籲撐情緒病人

  而珊珊的好友林保怡、古天樂、何超蓮、甘比、崔加寶及鄭秀文等,亦拿起「大字報」分享心底話為珊珊打氣!古仔寫道:「我希望更多人支持情緒病患者」;超蓮就鼓勵大家:「企出嚟,分享復原故事」;林保怡亦為大家打氣:「將情緒問題講出嚟,畀人幫吓你」;鄭秀文則謂:「對情緒病零歧視,零標籤」;甘比就說:「我希望更多人認識情緒病」。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd