首頁 日報娛樂

人生不用一馬平川 蘇慧恩遇波折更懂珍惜

27/11/2019
■Ophelia好享受現在有公司照顧的幸福,自己可專心埋首創作。
■Ophelia好享受現在有公司照顧的幸福,自己可專心埋首創作。(1/7)

        蘇慧恩(Ophelia)最近推出新歌《一馬平川》,她選擇用這個較冷門的四字詞做主題,只因她認為每個人都希望一生能風平浪靜,好似一馬平川一樣,但她反而認為遇到波折會令人更加珍惜所有,正如她由自資獨立歌手,到現在簽了公司,早已體會過一腳踢艱辛的她,更感激有團隊照顧的幸福,專心做好音樂答謝支持她的人。 採訪:杜淑霞 場地:Redmr

        外表柔弱的Ophelia,自言是個女漢子,「可能細個父母工作都忙,我除咗照顧自己,仲要照顧埋細佬,習慣咗獨立,好多嘢都係靠自己,讀大學時半供讀,連保安員都做過,不過因為呢啲經歷,我自資做歌手嘅日子,仲要兼顧做模特兒、主持同製作網片,自己一腳踢都完全冇問題。」

  正因以往的經歷不是一帆風順,令Ophelia想到新歌主題,「我聽到首歌嘅時候有種一望無際嘅感覺,我就諗到一馬平川呢個四字詞,想到好多人都希望人生係平坦嘅,但係我覺得太冇風冇浪,反而到成功嘅時候,可能唔會覺得特別開心,雖然我仲距離成功好遠,但依家簽咗公司,好多嘢有公司同同事幫我打點,唔使再孤軍作戰,真係覺得好幸福,會珍惜o依家有嘅機會,專心創作更多好嘅作品。」

  講到早前為《一馬平川》到日本拍攝MV,Ophelia繼續發揮一腳踢本色,「今次我繼續搵咗我表哥做導演,我哋得四個人用咗四日三夜去完成咗兩首歌MV,化妝整頭當然自己包辧,但係我唔覺得辛苦喎!」Ophelia坦言簽公司後最大得着是曝光率,「公司有好多業務,餐廳、房地產、美容用品生意都有,公司好自然搵我做埋代言人,自己多咗唔同平台出現,知名度都多咗啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd