首頁 日報娛樂

Chok住行街振興經濟 48歲馬浚偉唔裝扮似O靚仔

27/11/2019
■馬仔Chok住行街,好有台型。
■馬仔Chok住行街,好有台型。(1/7)

        受社會氣氛影響,好多人消費意欲下降,好彩仲有班消費者肯出嚟救吓市,令成為重災區嘅零售業仲可以撐住先。好似馬浚偉咁,之前快閃現身銅鑼灣一間日資商店購物。作為工作室老闆的他,見他忙到邊行邊錄口訊,入商舖一陣,打咗個轉就花過千元買咗個潮人背囊,原來係送畀自己作為48歲牛一嘅小禮物。採訪:梁志明

        最近馬仔忙於宣傳下月5日在香港上映的新片《生前約死後》,這是他自編自導自演舞台劇的延續篇,由舞台劇後再轉戰大銀幕,馬仔認真有魄力。由於係講馬仔和母親的經歷,編寫呢個感人故事期間因為觸及內心傷痛而3度停筆。

自爆成日行街

  之前馬浚偉入住銅鑼灣一間酒店方便舉行處男演唱會,每當有break就出去行吓,搜購禮物o氹吓自己。當日見到着住casual wear嘅馬仔頭戴黑色cap帽,身穿牛仔褸、鬆身四個骨褲襯對jordan純潔白色波鞋,再揹住扣咗兩個公仔鎖匙扣嘅背囊,好有童心。馬仔逗留日資商舖大約10多分鐘,快手快腳就買咗個大背囊閃人,雖然店內唔多顧客留意他,但馬仔做慣主角,依然Chok住行。事後他笑說:「係呀,我成日去行街㗎,所以經常撞到好多街坊同埋記者朋友。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd