首頁 日報娛樂

避談是否成功造人 羅仲謙生B隨緣

28/11/2019
■羅仲謙與張曦雯齊笑談近況。
■羅仲謙與張曦雯齊笑談近況。 (1/2)

  羅仲謙和太太楊怡結婚後一直恨生仔,日前有傳二人造人成功。羅仲謙前晚錄影《娛樂大家》時,被問到「造人」狀況,他大玩食字說:「『做』人辛苦吖,要為生活頻撲。」至於生BB就隨緣吧!

  羅仲謙、張曦雯(Kelly)、張秀文和韋家雄等前晚為節目《娛樂大家》錄影。提到羅仲謙日前被拍到接送太太楊怡與外母到街市買餸,謙仔不敢認乖仔說:「冇得揀㗎!呢個係我應負嘅責任,始終我喺大埔住咗幾十年,熟路吖嘛,有時間嘅話都盡量做司機。(有冇因堵路被困大埔?)冇被困,OK啦,就當多啲時間同老婆相處,但我都有狂打機㗎,哈哈!(趁機努力造人?)大家都辛苦喇!我講做人辛苦呀,要為生活頻撲。至於造人就隨緣啦,你估後生仔咩,拖拖手仔就有BB,我年紀大,唔得㗎喇!」

  同場的Kelly亦指最近努力「做人」,不過只是努力學做盲人,皆因她要到盲人中心上課備戰新劇《踩過界II》,她稱要學習用枴杖及摸凸字。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd