首頁 日報娛樂

首拍《入住請敲門》遇靈異嘢 StanleyAnson Lo怕都恨再拍

28/11/2019
■叫Stanley、林婷、MCM和Anson Lo扮個鬼樣,大家都忍笑忍得好辛苦。
■叫Stanley、林婷、MCM和Anson Lo扮個鬼樣,大家都忍笑忍得好辛苦。 (1/7)

  ViuTV人氣節目《入住請敲門》下月將推出第三季,今次除了由莫竣名(MCM)和林婷繼續主持外,仲新加入MIRROR成員Stanley(邱士縉)和Anson Lo(盧瀚霆),分別到台灣及日本拍攝,當然有遇到不少靈異事件,不過4人都話雖然怕,但仍想再拍,更提議下一季去得更遠探靈,笑言可去馬爾代夫睇吓有冇水鬼O添!撰文:杜淑霞         攝影:李維隆

  主持了兩季的MCM 和林婷話今季最大分別是兩人終於合體齊齊出動,仲會帶埋Stanley去台灣和Anson去日本,他們話成個團隊都多了人,氣氛更好, MCM仲話:「多咗人畀我整蠱,但最容易驚始終係林婷囉!」他和Anson更大爆林婷遇靈異聲音仲嚇到喊。

  至於新丁Anson就話本身好信鬼神,知道要拍該節目都好期待,仲大爆自己淆底經歷,「嗰集個主題係招啲BB鬼,師傅叫我攞啲糖擺喺牀邊,我仲懶叻擺喺枕頭邊諗住易拍到,點知我喺度玩直播嘅時候,不斷聽到有人敲窗聲,仲有好多人喺直播度話畀我聽見到小朋友,連阿Dee(Error)個朋友都話見到叫我小心,嗰吓真係淆底,唯有將啲糖掃番落地大覺瞓。」本身是節目粉絲的Stanley同MCM去到台灣一間荒廢寺廟嘗試探靈時,竟然聽到回應,「我哋問佢嘢,佢真係發出啲聲係答緊我哋咁,嗰吓真係毛管戙,咁大個仔未試過咁驚。」

  雖然嚇餐死,但4人都話自己去旅行時,反而唔會理酒店有冇鬼,費事自己嚇自己,而Stanley和Anson又話下季都想再拍,4人又興奮提議之後可以去得更遠,譬如歐洲、南美洲,甚至馬爾代夫,他們異口同聲話:「應該邊度都有鬼嘅,馬爾代夫都係(睇吓有冇水鬼?)係囉!好提議呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd