首頁 日報娛樂

拍賀歲片《大盜演》首演人妻 樂瞳望升呢扮埋人母

28/11/2019
■曼谷拍攝其間,樂瞳每日返酒店都會爭取時間做吓運動。
■曼谷拍攝其間,樂瞳每日返酒店都會爭取時間做吓運動。 (1/7)

  樂瞳早前參與賀歲片《大盜演》,更獲該片監製李璨琛(Sam)欽點演其分居太太,她在泰國曼谷拍攝期間,大讚這次合作好開心,仲話唔介意升呢做人妻,甚至做人母一樣冇問題,只希望自己演員路可以更多樣化。另外,剛通過品酒師試的她,更計劃創業,經營跟酒有關生意,為演藝之外開拓更多搵錢商機。採訪:杜淑霞

  樂瞳話今次有機會參與該片,絕對要多謝李璨琛提攜,「我本身唔識Sam哥,係之前導演會見過,當時都冇乜交流,點知冇耐就收到邀請,到我入咗劇組聽啲工作人員講『你真係要多謝Sam哥,係佢一定要你做佢老婆㗎!』所以真係好多謝佢畀呢次機會我。」

唔想再演妹妹仔

  至於首度跟阿Sam合作,樂瞳大讚對方有風度及識照顧人,「以前會覺得佢幾O靚仔,但可能佢o依家有咗囡囡,佢真係好識照顧人,好似擔心會疏忽照顧我咁,會問住我食唔食飯,鏡頭前佢又會同我有商有量,真係好gentleman。」講到首次演人妻,樂瞳一點都不介意,仲好開心話:「我本嚟諗住減啲肥先拍,點知嚟到泰國日日都好多好嘢食,唯有當人妻有啲幸福肥啦!哈哈!Sam哥接受到嘅!其實做人妻我冇所謂,就算做人母都接受到,平日都有幫朋友照顧吓小朋友,應該勝任到,其實自己都唔想成日做啲妹妹仔角色,希望可以做啲成熟啲,角色可以多啲變化,跳出嚟都係想多啲唔同嘅發展。」

  剛通過品酒師試的她,更計劃創業,「想同朋友搞啲同酒或者美容有關嘅小生意,始終呢行比較被動,同埋仲後生想學多啲嘢,發掘更多搵錢商機。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd