首頁 日報娛樂

主動送名牌包包 陸浩明寵壞女友做「港女」

28/11/2019
■有呢個暖男做男友,陳詩欣拖到實唔放。
■有呢個暖男做男友,陳詩欣拖到實唔放。 (1/7)

  好多人話靚仔冇本心,所以唔係靚仔陸浩明(6號),但勝在對女友溫柔體貼就好有市場,6號好叻叻豬咁媾到個仙氣模特兒女友陳詩欣(Ayan),當然錫她錫到燶,仲將女友寵成「港女」,主動送上名牌包包畀女友做生日禮物。

  上周嘅一個悠閒下午,6號現身銅鑼灣時代廣場一間C字品牌名店快閃買包包,記者直擊見6號早有準備,到場後便向職員展示已訂好的包包圖片,隨後即取貨,由6號埋單,好快就拖實一臉滿足,拎住戰利品嘅陳詩欣離開。所見6號送畀女友嘅黑色小手袋約值2萬蚊,因為方便放小量化妝品及手機出街,屬星級熱賣款,岑麗香、劉嘉玲等都係用家。

  6號坦言係補送畀女友10月19日嘅生日小禮物:「因為之前我哋去咗葡萄牙旅行,加上嗰時工作好忙來不及買禮物,直至最近市道唔多好比較得閒,馬上訂貨再帶佢去拎貨。(唔係已請咗佢去生日旅行咩?)女人當然喜愛包包,佢鍾意呢個品牌,其實佢唔想我使咁多錢,成日叫我唔好買,咁一年都只得生日同情人節送禮物啫,冇所謂啦,我咁辛苦做嘢都係想佢舒服啫。而我生日時佢都有送番嘢畀我,不過係自製手工嘢居多,好似今年4月我生日時一齊去咗越南,佢帶埋DIY玻璃瓶禮物送我驚喜,除此之外,仲加碼送多部手機。基本上年年都會有生日trip,去年同佢去咗希臘,我哋Keep住甜。哈!好彩佢生日早過TVB台慶一個月,否則我唔做台慶都要陪佢過呀。」問到幾時送戒指時?6號則帶有暗示說:「咁就要留意我嘅社交網站啦,但我未搵到合適求婚指環。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd