首頁 日報娛樂

面皮薄唔敢高調宣傳 陳樂榣轉型設首飾品牌

29/11/2019
■本來Alley是藝人出身做生招牌最適合,但她怕羞做出成績先敢出面宣傳。
■本來Alley是藝人出身做生招牌最適合,但她怕羞做出成績先敢出面宣傳。 (1/8)

  前女子組合Freeze成員陳樂榣(Alley),2010年組合解散後,曾修讀美術的她轉行開畫室教畫畫,13年開始受好友楊柳青啟發搞網上首飾生意,婚後生埋女的她跟搞開時裝生意的老公成立自家首飾品牌,除了做網店,在銅鑼灣亦有實體店,她坦言因面皮薄不敢高調宣傳,依家算有點成績先敢認自己做老闆。 採訪:杜淑霞

  畢業於加拿大中學Granville College美術系的Alley,受畫家外公影響,6歲就畫畫,所以組合解散後她不愁沒出路,即在上環開設畫室教畫畫,「嗰時都幾多學生,但年幾兩年後好多學生畢業,生意冇咁好我就開始諗出路。」

  當時Alley受好姐妹楊柳青影響,開始搞網店,「佢嗰時賣開韓國衫,我自己一向都好鍾意韓國啲首飾,又有學韓文,咪跟埋佢一齊去韓國入貨,最初我都碰過好多釘㗎!入嘅貨品質素有時好參疵,啲客成日換貨都又唔係辧法,所以我學埋首飾設計,就算唔識整都明白個原理,唔會畀客人同廠家考起。」

  12年Alley跟從事時裝生意的老公Donald結婚,兩公婆拍住上正式成立自家品牌「WOW Fashion Jewellery」,除了網上賣,在銅鑼灣都有實體店,更自設首飾廠,由設計、生產和零售都一腳踢。Alley直言生意開始上軌道才敢宣傳,「我面皮薄,所以唔適合做藝人,以前怕畀人話未做得好就高調宣傳,依家算有啲成績先敢認自己做老闆。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd