首頁 日報娛樂

接棒派福利 33C李君妍騷葫蘆身材冇得輸

29/11/2019
■李君妍擁有33C-24-35驕人身材,好亮眼。
■李君妍擁有33C-24-35驕人身材,好亮眼。 (1/6)

  由張志明監製的TVB旅遊節目《3日2夜》捧紅唔少「波女」,32.5C「蜜桃胸」陳庭欣、34E「細龍太」陳偉琪、36E「導彈」陳婉衡及34C激凸身材嘅張曦雯等,個個樣靚身材正,着上泳衣索到爆。而新一輯韓國篇就由27歲,33C、24、35小花李君妍接棒大派福利,首次喺鏡頭前着上比堅尼登場,她形容非常緊張,唔多滿意身形:「因為《3日2夜》女仔個個身形好好,拍攝期間不停係咁食,而且正值谷M,其實我可以再瘦啲同fit啲㗎!」 採訪:方騫平

  今次由李君妍拍潘梓鋒赴韓國取景,除咗去當地打卡位參觀,又可以食好西,寓工作於娛樂:「我哋去咗忠清南道食醬油蟹,參觀魚市場,又去埋睇花卉展覽同埋燈飾祭……我好鍾意影相,呢個行程好啱我,最特別係初嚐醬油蟹,原來幾好味,所以反應好真實。」擁有驕人身材的君妍着上泳裝登場依然緊張:「好驚凍,因為天氣都開始轉涼冇乜人游水,好彩拍攝當日泳池keep住30幾度水溫,中午時又有陽光,所以冇起雞皮,唔怕激凸,泳池邊有杯cocktail,飲兩啖酒精飲品好暖胃。」

唔介意健康性感

  近年李君妍keep住做運動,保持最佳狀態隨時着泳衣出鏡,承認都有人讚過她身材好:「我唔介意健康性感,趁青春留倩影,而且人愈大,o依家唔keep將來就更加難keep,做呢行身形管理都係一個責任嚟嘅。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd