首頁 日報娛樂

導演度身訂造角色 陳靜增肥20磅預演媽咪

29/11/2019
■DaDa話一向恨做媽咪,仲話唔介意為BB放棄演藝事業。
■DaDa話一向恨做媽咪,仲話唔介意為BB放棄演藝事業。 (1/7)

  陳靜(DaDa)最近跟陸以心繼《低俗喜劇》再度在《Baby復仇記》合作,陸以心跟DaDa成為閨密後決心度身訂造角色展現她另一面,加上身邊人離不開生B話題,於是有今次故事誕生。 DaDa坦言本身跟角色好唔同,恨生B的她,更多謝導演讓她有預演大肚做媽咪機會,雖然要增肥20磅演出,但她覺得好值得。 撰文:杜淑霞 攝影:李維隆

造型:gav1ng 化妝、髮型:Pinko.C 場地:東南樓

  上次《低俗喜劇》陸以心是編劇,今次則是編劇及導演,她解釋上次跟DaDa合作後,成為無所不談的閨密,好想度身訂造角色畀對方,「我哋真係乜嘢都傾,大家又鍾意食嘢,了解佢多咗發覺仲有好多面值得觀眾去睇,近年身邊好多朋友都做咗媽咪或者想生B,於是就諗到呢個主題。」

學識搵對象要成熟

  由於製作費有限,拍攝要在10幾日內完成,但劇情要交待DaDa由未懷孕到生B,幸好陸以心要DaDa增完肥極速減番,她一樣配合。DaDa說:「咁難得遇到咁好角色,依家以女性做主導嘅角色唔容易有,當然要配合啦!況且增肥時可以任食,唔知幾開心啦!雖然只有兩星期去減,但有目標去做會好啲嘅。」

  講到角色是個不想有小朋友的職業女性,DaDa話表面睇同角色好唔似,因她極恨生B,「將來有小朋友我乜都會以佢行先,甚至放棄演戲都得。」DaDa仲話拍完戲學識好多做媽咪的知識,「多謝導演畀我好似預演咗一次點樣做媽咪,仲好清楚要搵個成熟男人,照顧到自己同小朋友,唔係等如湊多個小朋友。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd