首頁 日報娛樂

拉攏心穎高Ling回歸浸溫泉 森美望《旅行團》四美矛盾對決

29/11/2019
■森美、吳若希、麥美恩、丁子朗大擺chok爆甫士,係最佳拍檔。
■森美、吳若希、麥美恩、丁子朗大擺chok爆甫士,係最佳拍檔。 (1/6)

  由森美、丁子朗、麥美恩及吳若希主持的《森美旅行團2》去年取得TVB台慶「最佳非戲劇節目」獎之一,最近播出的第3輯由原班人馬再拍住上,森美直認邊拍邊掛住第一輯時的主持人黃心穎及高海寧:「呢個節目咁受歡迎無疑靠先前累積嘅成績,下輯如果加埋佢哋浸溫泉,同吳若希、麥美恩嚟過矛盾對決就好爆喇,觀眾到時鍾意睇邊個就自己投票喇。」採訪:方騫平 服裝:Blaack by G2000(森美)

  《森美旅行團3》內容好爆笑,除咗森美和朗朗力戰相撲手,被相撲手捉住襠布掟到走晒光外,吳若希及麥美恩分別着上粵劇面譜配青花瓷及核突蜥蜴臉堅尼現身,森美大笑說:「其實最初都擔心呢班人腳唔太夾,因為我同麥美恩係實力派,偶像派係丁子朗、吳若希,一個係小鮮肉,一個係女歌手,尤其做歌手係應該要有包袱,點知佢一啲都唔介意鬥醜。」朗朗說:「上輯同森美大哥全裸浸溫泉尷尬過今次着襠布玩相撲。」語畢森美問:「係咪見慣見熟開始會打招呼呀?」麥美恩即取笑:「一家人呀!大個咗喎!使唔使染吓啲頭髮?」人妻吳若希更搞鬼笑哈哈說:「今次頭髮剷咗青喎。」咁快拍到第3輯,森美話大家都有好大改變,好似朗朗主持埋台慶;吳若希「升呢」人妻;麥美恩變兩棲藝人,愈來愈紅。同時亦好掛住第一輯的高Ling及心穎,期待下輯大團聚。

唔介意網民只睇小鮮肉

  說到有網民罷睇,森美不介意:「觀眾有自由同喜好,唔睇我咪睇佢哋咯,總有一個啱你嘅。」麥美恩打圓場道:「鍾意睇小鮮肉咪睇小鮮肉,睇臘鴨咪臘鴨囉!」對此,森美即不滿更正:「可唔可以對返我好啲呀?應該係話小鮮肉同臘肉呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd