首頁 日報娛樂

王麗嘉Deep V透視出巡 馬詩慧陪買蛋糕好服侍

30/11/2019
■王麗嘉一出超巿門口,就搵媽咪馬詩慧幫她拆開蛋糕。
■王麗嘉一出超巿門口,就搵媽咪馬詩慧幫她拆開蛋糕。 (1/6)

  名模馬詩慧(Janet)與老公王敏德(Michael)育有兩女一子。由於27歲大女王曼喜(Kayla)和25歲二女王麗嘉(Irisa)都愛性感,不時在社交網晒火辣靚相,搞到爸爸好頭痕,反而Janet勁支持,照顧三名子女更是無微不至。日前Janet與Irisa到銅鑼灣超巿買嘢食,着白色衫透出Deep V白色Bra嘅Irisa,揀完蜂蜜蛋糕就交畀阿媽畀錢,原本行出門口諗住拆開嚟食,點知佢又交畀Janet幫佢拆膠袋,呢位靚媽真係好服侍! 採訪:梁志明

  Janet雖然是辣媽,但就好開明,對仔女更是百分百支持,兩女兒鍾意行性感,她覺得從藝術角度欣賞係冇問題。對於照顧小朋友更愛親力親為,儘管子女已長大了,最細嘅仔王躍穎都已經19歲,但她仍不會放晒手,每樣嘢都照顧周到,好似二女Irisa早前去意大利出席品牌活動,Janet又跟埋一齊去,真是個廿四孝媽媽!

  家住跑馬地嘅Janet,最愛與仔女去銅鑼灣打躉。早前她與Irisa現身銅鑼灣時代廣場Citysuper,兩母女一入內就分道揚鑣,Janet去揀麥片,而Irisa就去蛋糕Counter揀蛋糕,不過睇唔啱,於是Join媽咪去貨架再揀過。她們仔細研究蛋糕成份,在媽咪提議下,Irisa最後買了蜂蜜蛋糕,仲隨手交咗畀媽咪去排隊畀錢。離開一刻,Irisa似乎好肚餓,即刻攞蛋糕嚟食,但拆唔開又要搵媽咪幫手。25歲女夠晒嗲,難得媽咪Janet又好受!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd