首頁 日報娛樂

唔敢教衛蘭踢走「電單車」 王梓軒變身猛男台上隨時爆肌

02/12/2019
■王梓軒有得食鐵板燒龍蝦開心到不得了,仲主動親自下廚。
■王梓軒有得食鐵板燒龍蝦開心到不得了,仲主動親自下廚。 (1/6)

  王梓軒(Jonathan)為咗下個月20及21日假灣仔會展中心舉行兩場的《CROSSING源‧樂》狂操肌,至今得到6塊腹肌,兼且手瓜起𦟌,成為真正的肌肉猛男,隨時可以配合歌曲喺台上爆肌!問到可會傳授健美心得俾表演嘉賓衛蘭,好讓她唔會肥過「電單車」?梓軒一臉尷尬說:「黎明個人風趣啫,其實佢兩姊妹都勤力做運動㗎,但各人體質唔同,要學識愛自己所有。」 採訪:方騫平 場地:板神鐵板燒日本料理@觀塘

  王梓軒向來食嘢好檢點,原來4年嚟早餐都一模一樣,同樣係蛋白、麥皮、烚火雞胸肉及一個生果。喺演唱會前夕餐單更苛刻要少鹽少油少糖,下午只能食烚到似「紙皮」的雞胸肉加飯菜,晚上不能吃澱粉質,加上做埋健身,o依家體脂經已減到得返9%好「乾身」,由於符合理想進度,日前Jonathan偷雞食好東西,食咗餐鐵板燒龍蝦嚟獎勵自己,如同「放監」開心到不得了。不過,辛苦都值得,算係為出道10周年做小總結,兼且答謝喺演藝路途上支持過他的戰友:「除咗歌迷、校友買飛橕場,《兄弟幫》好幫手,阿Bob(林盛斌)屬下棋人有份投資。當然合作無間嘅趙增熹一早度好期做音樂總監。最搞笑睇返以前同戰友啲舊相,我以前肥啲,肉地唔結實,o依家唔食紅肉收咗水,而且現在冇成日係咁傻笑,個樣醒啲囉。」

再食珊珊檸檬

  至於經理人珊珊(石祐珊)會否上台接受他的答謝呢?梓軒自爆再次食「檸檬」:「佢忙於做背後嘅運作!(負責做背後嘅女人?)呢啲位置可以行駛佢嘅權力嘛,叫咪、落吓命令更加威,位置更高尚,其實我都好想聽到佢,當年嘅首本名曲《厚愛》㗎,哈哈……」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd