首頁 日報娛樂

讚陳瀅係氣質女神 陳卓賢最怕女友亂發脾氣

09/12/2019
■陳卓賢話要朝拜女神陳瀅喎!
■陳卓賢話要朝拜女神陳瀅喎! (1/5)

  陳瀅(Jeannie)、Ian@Mirror(陳卓賢)首次聲演動畫《魔鏡肥緣》,分別飾演與別不同公主和王子,兩人異口同聲話戲裏戲外都有啲相似。尤其Jeannie話自己本身都係肥妹仔,平日出鏡要經過包裝,如同劇中公主着住魔法高踭鞋才變靚啲一樣。語畢。陳瀅好奇地追問Ian:「你係咪淨係鍾意靚女,唔鍾意肥妹呀!」接住又衝口而出爆咗句:「肥妹仔先得意呀。」Jeannie曲線讚緊自己,好搞笑。 化妝:Circle Chong @Annie G. Chan(陳卓賢)        髮型:Stone Cheng @private I salon

服裝:Diesel 化妝:Vanessa Wong(陳瀅)髮型:Larry ho @Aveda ilcolpo

  被「質問」揀偶標準,Ian就唔敢話只係鍾意靚女,堅持唔怕重口味:「正如套戲表達訊息一樣,睇內在緊要啲,性格相處比較重要,係咪善解人意?最緊要唔會亂發我脾氣,呢啲對我好重要,以前都試過同唔太瘦嘅女仔拍拖。(眼中嘅陳瀅係咪肥妹仔?)唔係,係好瘦,佢係大多數男人眼中嘅女神,唔係口花花,佢真人比上鏡更靚,有氣質,斯文有修養,(唔怕陳家樂呷醋打你!)唔好呀…對唔住!」

自爆經常被公司鬧

  陳瀅忍唔住爆句:「肥妹仔先得意呀,套戲帶出訊息睇人唔好睇外表,要睇性格,事實o依家好多人影完相,改咗圖放上社交網,無形中畀到小朋友壓力,影響到年青人覺得要fit要瘦要靚,先至成功多人追,我唔認同呢樣嘢。 (身邊人成日讚你?畀到信心你?)信心要自己畀自己,知道自己邊樣優秀同做得好。

  哈!其實我成日俾公司鬧㗎,例如話我肥,因為永遠可以做得更好。」Ian即認同和應:「係呀,我成日俾花姐嫌我上鏡肥,畀瘦相嚟激勵我。遲啲同鄧麗欣拍關於打排球題材嘅劇,到時要除衫,要多做返啲運動喇!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd