首頁 日報娛樂

簽英皇半年內出4首歌 李靖筠壓力大睇中醫急救

13/12/2019
■Gladys等睇中醫時不停包「雲吞」,一臉病容。
■Gladys等睇中醫時不停包「雲吞」,一臉病容。 (1/7)

  在TVB劇集《跳躍生命線》中飾演River一角大受歡迎,現年26歲的「文青女神」李靖筠(Gladys)早前簽約英皇娛樂成為樂壇新貴,由5月至今已推出了4首歌,新歌《第千次重逢》趁年尾派台。受公司力捧的Gladys壓力大到皮黃骨瘦,食極唔長肉,得返個平板電腦身形!日前在荃灣一間餐廳內野生捕獲又瘦又冇精神嘅Gladys喺助手陪同下醫肚,見佢狂隊兩個飯餐,期間不停抹鼻涕,感覺幾辛苦。採訪:方騫平 攝影:張詠森

  當日下畫,李靖筠喺荃灣一間餐廳內自隊大大碟嘅白咖喱豬扒飯,另加多個芝士溫泉蛋咖喱海鮮飯,但佢邊食邊包「雲吞」,食完就行去睇中醫。事後記者向Gladys了解,她坦言身體出咗毛病:「呢期感覺個人濕氣好重,好攰瞓極都唔夠,而且嚴重鼻敏感,鼻涕長流,要用口唞氣,入到冷氣間仲會有幾聲咳,咁樣好影響到唱歌,但長期食西藥又怕有好多後遺症,所以好鬼煩,慘到連去廁所都唔多暢通,要兩日先屙到一次,好彩未影響到女性周期。」

  一輪嘴講出苦況後,李靖筠話好彩睇完中醫唔算大件事,「醫師好細心同我把脈,同埋觀察條脷,佢就話我眼圈大,氣虛血弱,血氣運行得唔多好,體質偏差,苦口婆心咁叫我要好好調理一吓先得。不過醫師安慰我唔使驚,而且仲係細路女,第時懷孕期後大把機會做肥婆,但叮囑我要早睡早起,多啲去做運動,開5日藥粉沖劑畀我先改善鼻敏感症狀,再慢慢調理身體機能。聽完咁講都安心好多,至少冇暗病。」

  Gladys否認畀人批評樣衰形成壓力:「當你每日都收到私訊負評留言就變咗冇感覺,甚至有指我MV似人妖,其實大眾對藝人界線定得好高,眼中要個個好似楊冪咁樣,否則會話:『呢啲咁嘅樣,周街都執到啦!』其實樣唔係我個賣點,我只想展現我嘅音樂才華。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd