首頁 日報娛樂

日報娛樂

同阿仔暖笠笠打邊爐 甄楚倩素顏逼街市買餸

  那些年唱跳歌手甄楚倩(Yolinda),01年為新加坡富商秘密生仔後入住半山豪宅,自此專心湊仔。日前下午,47歲嘅Yolinda又獨自現身鑼灣銅嘞!佢依舊着條緊身瑜伽褲去咗鵝頸橋街市買餸。買完魚蛋、牛丸,再買水餃、海蝦和蟹等,一睇就知是日晚餐同17歲兒子喺屋企溫馨打邊爐啦! 採訪 : 梁志明   做咗人媽咪嘅甄楚倩,退出娛圈深居簡出,但仍有與圈中人聯繫,間中為接待密宗再公開露面。加上佢好鍾意喺銅鑼灣蒲頭,耐唔耐就見佢紮馬尾穿緊身運動裝現身。Yolinda對中女身材好有自信,試過就咁着運動型bra top,大晒水桶腰及雪白豬腩肉同高大愛子行街街,阿媽仲會溫柔為「前世情人」當街細心抹汗,母愛氾濫。 海鮮肥牛乜都買   日前下午,呢位廿四孝媽咪又以一貫運動look去老銅買餸。見佢一早孭個大背囊、自備埋環保袋,似乎要買好多嘢喎!見素顏Yolinda好熟架步,喺街市穿梭5分鐘,已買咗手切肥

2019/01/11

被指同遊美國 玄彬傳撻着孫藝珍

  韓國型男玄彬以往曾與多名女星傳過緋聞,昨日又爆出與去年合演電影《智命談判》的孫藝珍撻着,更同遊美國,而孫藝珍更帶同父母一起。但二人的所屬公司均急急否認,稱他們並非一起去旅行。   現年36歲的韓國型男玄彬,於2016年爆出與女星姜素拉拍拖,但二人拍拖一年左右便分手;昨日傳出玄彬與去年合作電影《智命談判》的孫藝珍撻着,有網民爆料表示,在美國洛杉磯一餐廳見到玄彬與孫藝珍一起用餐,當時孫藝珍的父母亦在場,玄彬與孫藝珍一家去旅行,似乎關係非淺!   而二人經理人公司例牌否認戀情,玄彬所屬公司VAST娛樂稱玄彬目前的確身在海外,但並非與孫藝珍同行,因玄彬之前一直忙於拍攝《阿爾罕布拉宮的回憶》一劇,劇集煞科後到美國旅行休息,之後在美國亦有工作。至於孫藝珍的公司表示:「孫藝珍的父母目前在韓國,她今次是獨自往美國旅行。」

2019/01/11

Ed Sheeran 4月襲港開騷

  英國唱作巨星Ed Sheeran(見圖)前年因踩單車意外弄傷手而取消多場亞洲巡唱,包括香港的演出,昨日他宣佈今年回歸亞洲舉行巡唱,並於4月17及18日在港開騷,地點選在迪士尼樂園露天場地舉行。主辦單位宣佈為打擊黃牛,Ed的巡唱將以實名制方式售票,購買者或需提供與列印於門票上姓名相符而附相片的有效身分證以獲許入場,門票將於本月17日公開發售。

2019/01/11

孖花姐日本拍真人騷 ERROR爆MIRROR快go home

  男團Error四位成員肥仔(梁業)、何啟華(Dee)、193(郭嘉駿)和吳保錡,繼推出新歌《404》和演出劇集《做演藝嘅……》後,最近孖住監製花姐(黃慧君)主持下月初推出真人騷《花姐ERROR遊》齊齊挑戰膽量,不過節目得15集,跟同門MIRROR的《MIRROR GO》長做長有冇得揮,他們就爆料MIRROR好快會Go Home,節目由佢哋接手,係真唔係呀!? 採訪:杜淑霞   肥仔話節目是他們跟製作組一齊度到日本取景,本來是花姐挑戰自己做平時做唔到嘅嘢,拉近同個仔的代溝距離,但最後卻玩着ERROR自己,「本嚟諗住畀花姐大考驗,點知我哋不斷畀製作組出賣,玩着自己,呢次真係捉蟲。」   雖然成員保錡不斷被外界和其他成員嫌棄,但肥仔話:「去完日本我唔想佢走,佢終於搵到佢嘅定位,真係太好笑太出色啦!」193補充,「佢做番最真實嘅性格就最好笑,佢喺《造星》度扮到好威咁,但今次真人騷佢表現番自己

2019/01/11

再遊波羅的海好滿足 顏福偉今年努力禪修

  「白花油王子」顏福偉(Stephen)好喜歡到東歐國家旅遊,去年初去完波羅的海三小國之一的愛沙尼亞後,覺得好靚玩樂又經濟,所以去年尾再去埋其餘兩國拉脫維亞和立陶宛。這次他主要看聖誕巿集和參觀東正教教堂,亦歎了很多美食如牛奶魚湯和魚子醬,還買了些當地的海中珍寶琥珀做手信。他坦言過去一年work hard又play hard,所以19年會收拾心情重拾禪修和多行善回饋社會。 撰文:李佩儀   東歐一直是Stephen喜歡旅遊的地方,他已去了很多國家,他解釋:「因為大部份當地人都好friendly,消費唔係好貴,地方又乾淨,而且罪案率比較低,唔似西歐咁多扒手,我覺得較為安全。」今次他由芬蘭轉機到拉脫維亞首都Riga,逗留兩晚後,再坐私家車到立陶宛首都Vilnius,全程大概4小時。這次他看了很多好喜歡的東正教教堂,亦有去行聖誕市集,當時正值落雪,加上百年歷史建築物作背景,真係好靚。 做慈善唔

2019/01/11

翻唱陳百強金曲獲好評 朱紫嬈捱足9年堅持唱歌

  現年33歲的朱紫嬈(Khloe)因為好鍾意唱歌,入行9年仍然守住初心,相隔兩年多再推出發燒碟《想你》,全碟翻唱陳百強10首好歌,用心唱歌的她坦言歌手路唔易行,去年惟有簽邵氏藝員約,希望可以接電影及拍劇集,打開多幾道門,畀條生路自己行!採訪:方騫平 場地:酒鍋   新碟《想你》收錄了陳百強的金曲如《有了你》、《漣漪》及《一生不可自決》等,不過,因為珠玉在前,她坦承翻唱係會有壓力,幸而唱片獲陳百強歌迷激讚,反應仲好唔錯,算係出道以嚟賣得第二好嘅唱片,因而有得加印日本製HQ版:「我好記得翻唱《一生不可自決》前,呢首歌嘅作曲人賴健聰曾提出顧慮,擔心我呢個年紀唱唔到重量感覺,好彩作品都順利過關。做完呢張專輯我更加成為Danny仔嘅超級粉絲,好鍾意佢音樂,淒美得嚟好浪漫,雖然聽起嚟舒服簡單,但唱起嚟原來好難,佢音域好大,低音好低,高音好高,演繹時落好多心機先可以做到。」 Danny仔家人鼓勵  

2019/01/11

忙足一個月終唞唞 蔡一智陪愛妻食Tea又掃貨

  組合草蜢成員蔡一智日前54歲生日,獲太太周雪芳大搞生日飯局,並邀請多位星級好友到賀,場面星光熠熠。日前下午,剛去完馬來西亞與澳門等地開騷吸金嘅阿智,一連兩日做番「愛妻號」,同太太拍拖去上環食tea,又去銅鑼灣shopping,結婚逾12年愈來愈恩愛呀! 採訪 : 梁志明、李維隆   人夫阿智月初生日,即同班星級好友開咗個生日P,見壽星公po咗好多生日相,有容祖兒、張智霖及太太袁詠儀、古巨基夫婦等,阿智仲同太太攬到實並留言多謝對方:「多謝夫人為我安排的慶生飯局!Love you!」好閃呀。   老婆咁抵錫,阿智都愛做family man報答愛妻嘅!日前下午,兩公婆就揸車去咗上環一間老牌茶記撐枱腳。二人一坐低就order兩碗招牌豬潤豬扒麵,兩杯drinks再加件三文治兩份食。咪睇兩夫婦各自忙篤手機,查實玩緊手機都有成日互動吹水,唔係只顧做低頭O架!食完tea,蔡太就負責揸車載老公走人。

2019/01/11

同偶像三哥合作 劉心悠緊張怕NG出醜

  劉心悠繼《宮心計2深宮計》再挑戰用廣東話拍TVB劇《守護神之保險調查》,雖然不用再記深奧難明的古裝對白,但一樣被廣東話俗語考起。幸好首次跟兩代型男三哥苗僑偉和黃宗澤合作,對住他們也覺是享受,特別面對兒時偶像三哥,心悠真的變了小粉絲般興奮,但又好怕在偶像面前出醜而相當緊張。 撰文:杜淑霞 攝影:李維隆 髮型:Eric Chow@XENTER hair salon 化妝:Annie G.Chan 服裝:primee   對於再用廣東話拍劇,心悠坦承今次確實比上次輕鬆,但依然有一定難度,「古裝劇啲對白啲字好深,真係會難記好多,時裝劇雖然係生活化啲,但係因為好多時有啲俗語或者潮語,我又會唔明,所以都唔係咁容易。」 唔敢向三哥集郵   不過,首次跟三哥和黃宗澤合作,心悠覺得相當開心,「佢哋係唔同年代嘅型男,同佢哋合作當然開心,特別係我細個好鍾意睇三哥演嘅『楊康』,今次係我第一

2019/01/11

30+1樂壇豐收 AGA低胸Shopping賀牛一

  本月21日將踏入30+1嘅歌手AGA(江海迦),喺早排嘅樂壇頒獎禮中大豐收,其中喺《叱咤樂壇流行榜頒獎典禮》連中三元、憑歌曲《無期》拎咗歌曲獎第七位,仲勇奪唱作人銀獎和最恨攞嘅「叱咤樂壇女歌手」銅獎,都咪話唔happy。   日前下午3時,將於2月10日喺理工大學舉行音樂會嘅AGA行街relax吓,見佢戴帽僅搽唇膏現身中環。件淺色薄料top將佢美好身材表露無遺,低胸晒「線」仲疑似飛釘O添!着得咁hot,搞到途人都不禁眼望望。在價錢大眾化嘅連鎖衫店行咗十分鐘無收穫,就轉行附近嘅童裝店。此時,AGA揭完幼兒衫,突然有call就勁忙傾電話。見佢講到笑笑口,傾到無心買嘢啦!收線後,索性戴番副墨鏡走人。 採訪:李權威

2019/01/11

撐父親首演音樂劇 陳明憙收足酬勞落力唱跳

  音樂人陳少琪寶貝女陳明憙(Jocelyn),最近除了灌錄全新國語慘情歌《放下》外,早前更參與了爸爸創作的大型音樂劇《愛在星光里》上海站巡演。處女演舞台劇,Jocelyn承認有壓力要做到一百分,她笑說:「我係透過公開演員招募,經面試入選O架,爸爸絕對冇為我開綠燈,就算係父女檔都收足歌酬,冇任何打折。」   點解兩父女分得咁清楚?Jocelyn解釋工作還工作,加上有投資者,收幾多酬金都交畀公司處理。她說:「其實當日喺北京招募演員時,我瞞住爸爸去報名,報名後佢哋先知道我『身份』,一來如果自己做唔到,唔想勉強。二來我都驚重演當年出道時問意見嘅惡果,爸爸一句彈埋嚟話:『唔畀!』咁就冇彎轉,倒不如先斬後奏,咁啱喺北京演藝學院訓練咗半年,學做戲、台詞全部學以致用。」   劇中她竟被派做「小三」,Jocelyn說:「面試時要我自彈自唱、跳舞等,最後投資者、導演等決定我做女二、『小三』呢個角色最啱,因為

2019/01/11

友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd