首頁 日報娛樂

日報娛樂

王子涵親爆 晶哥女 演活「糕姐」彈起 曾被TVB導演玩謝

日前播完的劇集《荷里活有個大老千》反應好好,帶挈主角「砵仔糕」(丁小雨)、王晶女兒王子涵成功彈出。29歲的紅人王子涵(Ada)被人屈「靠父蔭」上位,幸前輩鄭則仕開口力撐,話係「我要捧世侄女」。而Ada亦有志氣謂「我係王晶個女又點呀?佢(父親)犀利同我冇關。」然後自爆早年拍TVB劇時曾經受辱,有導演擺明玩佢,Ada都要硬食呀! 晶哥女王子涵因劇中花名「砵仔糕」,被網友捧做「糕姐」大紅,日前佢特地去深水埗拎住招牌砵仔糕測試人氣。Ada一出現即被街坊認得,隨即被興奮「集郵」。聽到熱情途人讚美:「『砵仔糕』嘛!真人靚過上鏡喎!」O氹到Ada心花怒放。   賺咗人氣,但Ada坦承介意被網民批評醜樣,多過攻擊王晶偏私,她忿忿不平說:「審美角度人人唔同,只可以話我平凡,唔係醜樣!正如吳君如所講,世上冇醜樣嘅女人,只有懶惰女人,O依家我勤力將自己變得更好。話我戲屎,我會留意及改善吓。其實,戲中丁小雨係個

2019/03/16

傳「晶兵」埋身 王子涵:我哋都係單身

  近日有傳王子涵與編劇出身嘅李梓樅撐枱腳,高佬仲係李璧琦舊愛。傳男方近年同Ada玩埋,劈炮無線走去星王朝幫晶哥。本報致電Ada問是否有新戀情,佢笑說「無可能」,只係活動完一齊食嘢,續說:「我哋係好朋友,雖然我哋都係單身,但我知佢鍾意成熟女人!」

2019/03/16

疑避軍事法庭加倍判刑 勝利申請延期入伍

  韓國天團BIGBANG前成員勝利因為連串醜聞而宣佈退出演藝界,其所屬YG事務所亦宣佈終止其合約。前日,勝利再到警署接受16小時調查,昨凌晨雙眼無神,攰爆離開警署,他向傳媒透露會申請延期入伍,有人質疑他此舉為避軍事法庭加倍判刑。圖:網上圖片   勝利本預定3月25日入伍,當時遭市民狠批藉入伍避風頭。他前日再到警署受查至昨凌晨5時許才離開,接受訪問時透露會申請延期入伍:「今天(昨天)我會正式向兵務廳申請延期入伍,如果獲允許就會延期當兵,誠實接受調查到最後。」他並透露已向警方交出手機。   韓國傳媒報道指出,涉嫌犯罪者服兵役期間若被定罪,軍事法庭的判罰有機會比普通法庭高兩倍以上,質疑勝利其實是為避免被判重刑才申請延期入伍。韓國兵務廳起初回應指,服兵役者無推遲入伍的法律依據,故勝利不能延期入伍,惟其後卻改稱:「若本人有難以入伍的情況可以申請延期,之前也有先例。」   另外,已承認偷拍女性的鄭俊

2019/03/16

鄧達智八小時手術割前列腺癌

  去年6月,鄧達智與醫生男友陳梓欣在英國註冊結婚。昨日有報道指,鄧達智婚後兩個月身體不適,入院檢查後發現泌尿系統指數不正常,確診前列腺癌二期。   日前,鄧達智入院進行手術,經過八小時的手術成功切走癌細胞,現已回家休息。他更幽默地說:「先旨聲明,我沒有小便滴濕鞋,私生活都OK的。」陳梓欣坦言唔覺得是大考驗,認為生老病死是每個人必經的。

2019/03/16

林文龍激罕送花冧老婆

  昨日,林文龍、黃翠如及連詩雅等為新劇《致所有愛過的人》開工。剛跟郭可盈度過結婚15周年的林文龍被老婆呻唔浪漫,好彩重要日子都會識做送花冧老婆。   文龍透露:「當日收工買咗花應急,但無時間食飯慶祝。」不過,可盈收到花已經冧爆,他笑笑口說所有事情如習以為常便沒有驚喜,正如日日食鮑魚也不覺好味,他口中所說偶爾送花已是幾年前的事。而翠如說劇組成立「小食會」,每人夾500元做基金,昨日下午茶是吃壽司,她與連詩雅已入會。

2019/03/16

再來港開見面會 朴寶劍狂送心心冧Fans

  16年,韓國超人氣男星朴寶劍曾來港舉行Fans見面會,憑韓劇《男朋友》持續爆紅的寶劍,今晚將再於亞洲博覽館舉行Fans Meeting。昨日,穿灰藍色西裝的寶劍出席記者會,甫上台即以廣東話打招呼:「大家好,我係朴寶劍。」現場除傳媒之外,亦有150名幸運Fans可率先跟他見面。   見面會的名字叫「Good Day」,寶劍表示希望大家日日都有好事發生,亦過得幸福快樂。提到兩年前曾來港開見面會,寶劍再用廣東話說:「好掛住大家!」更邊講「心心」邊做出心心手勢,冧到Fans尖叫聲不斷。兩年前的見面會,寶劍曾一度落淚,他表示當時覺得大家生活在不同地方,語言又不同,但有很多Fans支持他,因感動而落淚。   由寶劍及宋慧喬主演的劇集《男朋友》已播畢,對被稱為「國民男友」,他認為做好男友就要接受對方,了解對方的心聲,並要有共同感覺。最後,將於日本推出單曲正式以歌手出道的寶劍會在見面會上唱出多首歌曲,

2019/03/16

周汶錡攝太歲否認求子

  周汶錡(Kathy)昨日出席舊機場回顧展,她指10歲首次出國、跟合唱團去澳洲是在九龍城啟德機場上機,而最難忘是啟德最後一日,因她當時正搭飛機回港,看到窗外的風景非常感觸。談到有指她和老公摸龍牀「求子」?Kathy指當日只去「攝太歲」,不知道甚麼是龍牀,笑說摸完再生都是仔就不好,如果可以確保生女才再考慮。

2019/03/16

69歲 五度做老竇 黃玉郎甩「小虎眉」風騷歎茶

  月尾踏入69歲嘅「漫畫教父」黃玉郎,日前自爆情人節娶三十幾歲嫩口女友Cass Fong,老婆仲佗緊豬BB。將會五度做人父嘅黃玉郎,日前下午約咗朋友喺銅鑼灣風騷high tea。見佢無咗影婚照時嘅「王小虎眉」,招牌鬚喺番度,成個樣當堂順眼晒呀!採訪︰梁志明   黃玉郎今年情人節低調迎娶年輕逾30歲嘅圈外女友Cass,榮升人夫外,仲雙喜臨門將做爸爸,新婚太太現已懷孕數月。早前,黃玉郎被追問快將抱B一事,開心謂太太有咗幾個月,仲暗示係仔,話一直都想生個豬仔。加埋佢同首任妻子馬夢妮生咗兩子一女,舊愛倪詩蓓所生嘅細仔19歲黃英樑,將五度做父親。   日前下午,如沐春風嘅黃玉郎約咗位男友人喺銅鑼灣百德新街嘅餐廳歎茶。二人坐喺露天位,方便漫畫教父「叉電」嘛!見新婚嘅佢鬼咁風騷,笑笑口吹水時單手托頭,個樣幾梳乎。而且年紀唔細嘅佢仲唔飲凍嘢,叫咗杯熱檸檬茶慢慢歎。最後,兩個麻甩佬逗留一小時,黃生畀錢請客

2019/03/16

兩歲女兒貪靚過媽咪 陳豪認保守唔准囡囡着泳衣

陳豪(阿Mo)昨日為親子餐廳擔任剪綵嘉賓,談到甜心老婆陳茵媺日前上載跟兩歲細女Camilla「戴后冠」的拼圖,人父冧笑表示囡囡好貪靚,又自認是個保守父親,接受不到女兒大個着泳衣。 四年抱三的阿Mo談到日前太太上載06年當選港姐冠軍照跟細女戴后冠的相片,他謂太太日前帶女兒逛旺角,買了卡通人物Elsa公主服給女兒,乖女貪靚即戴飾物。問到女兒樣子標誌可愛,可有潛質選美?阿Mo大反應說「不好呀!」續說女兒已經好貪靚,他冧說:「Amiee(老婆)說女兒比她更貪靚,一出世已經好貪靚,見到媽咪的化妝品已經眼甘甘,但我比較保守,希望她讀好書,將來做甚麼自己決定。」   問到是否最接受不到女兒穿泳衣,阿Mo坦言自己是保守爸爸,最好不要,難道現在已不讓女兒穿三點式,他說︰「又不是,但她真的好貪靚,昨晚也戴着Elsa后冠睡覺,不要讓她看到搽指甲油呀,否則會不斷強化。」記者笑言他兩夫婦要暱埋扮靚,阿Mo就

2019/03/16

恨結識台男 陳嘉桓唔怕激嬲Bosco

  陳嘉桓(Rose)昨日出席有關台灣的活動時透露經常到當地旅行,環島也試過兩次,曾幻想嫁到台灣便可大歎美食,惜暫未結識過台灣男友。笑問下次到台灣會否又被發現與緋聞男友黃宗澤(Bosco)齊齊「打卡」?Rose強調上次去馬來西亞無約Bosco,只是在群組詢問美食,對方介紹去食肉骨茶,並謂對方要開會,根本無見面,反而有約周柏豪及蔚雨芯。   Rose希望再到台灣識男仔,但不擔心Bosco「嬲豬」,皆因二人只是普通朋友。她又直認恨拍拖,但年紀尚輕,不用參加Speed Dating,寧願等人搭訕。

2019/03/16

周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd