首頁 日報娛樂

日報娛樂

靠媽咪囡囡教路 郭羨妮環保要以身作則

  郭羡妮(Sonija)及Ben Sir(歐陽偉豪)昨日出席玻璃樽回收活動, 談到環保問題, Sonija表示網上看過不少動物包括鯨魚及海龜等紀錄片,見到污染影響到環境生態,亦自覺有責任推動環保,更要好好教育下一代,她說:「除了自己以身作則,學校都有教導,之前我不曉得三色分類箱,也是女兒教我。」Sonija續說媽咪那年代已會善用玻璃樽盛載海味、果皮等食材,這個環保習慣由上一代延續至今。   問及新年會否出遊度歲,Sonija謂因太忙未能旅遊,「原本計劃帶女兒去迪士尼,但爸爸由內地返來,每天都玩得好開心,最終也沒有去。」她透露早前一家三口往溜冰,她「一拖三」下玩到一仆一碌。

2019/01/11

閉門大殮 靈車密封 林嶺東低調出殯

  著名導演林嶺東於去年12月29日在家中猝逝,終年63歲,昨日於沙田寶福紀念館出殯,生前好友杜琪峯、尹揚明和鄭保瑞一早到場打點。儀式貫徹林導家屬低調的意願閉門舉行,但仍有大批傳媒守候採訪。早上約9點15分,杜琪峯助手神情哀傷對記者轉達林太的說話,她說:「希望大家影一張相就好,讓東生好好走完最後一程,這是林太的意願。」   之後有親友推出三個大屏風擺放在靈堂外,又組成人牆阻隔記者視線,跟着法師帶領林嶺東兒子、太太與親友完成儀式。靈車佈置亦非常低調,鄭保瑞事前更指示工作人員把靈車的車窗及車內的中間位置用白布遮蓋,避免車內的人被影到,貫徹家屬低調的意願。

2019/01/11

老公幫手湊仔 陳茵媺開胸透喱士Bra吸金

  陳茵媺(Aimee)跟蔣怡昨日為護膚品牌擔任嘉賓,活動以白色為主題,陳茵媺的開胸西裝透出喱士Bra打扮性感搶鏡,人妻笑說:「健康性感啦,今日想型啲。」仲透露丈夫陳豪幫手湊三位小朋友,先可以甩身掘金!   談到暫時撇下三個小朋友賺外快,陳茵媺透露今日湊小朋友大任交由丈夫陳豪負責,又讚老公好快上手,但始終做得無佢咁好。她又坦言會跟陳豪爭湊仔似比賽一樣。此外,早前他們一家五口做了一張年曆,她透露拍攝時間需時,最終成功拍到全家望鏡頭,禁不住拍手歡呼。她透露最近忙於製作「2018年Family Book」,希望日後全家都有完整的快樂回憶。問到無線可有邀她回巢拍劇,Aimee坦言一直有跟無線接洽,但現時以家庭為先。   另外,蔣怡大讚Aimee神奇,要向她取經,如何生三個小朋友,仍然保持得如此漂亮,她坦言仍在適應湊兩個小朋友的生活。她提到B仔快七個多月大,為O氹愛兒一笑,全家包括五歲多的囡囡都會

2019/01/11

為善舉踩單車到柬埔寨 麥明詩否認同教練踩出火花

  麥明詩昨日穿上旗袍為新春活動擔任揭幕嘉賓,她跟一眾卡通人物跳了一段舞,最終都是「甩beat」收場。她笑是首次跟卡通人物合作欠缺默契,更有可能是他們跳得太快。麥明詩即將跟主播潘梓鋒出席慈善籌款跨國單車活動,由香港踩單車到柬埔寨,她近日忙於為此善舉作準備,問到心理準備如何?她笑說:「逆來順受、見招拆招。教練話我可以再快啲,早兩日踩上大帽山山頂,都係2019年完成咗一件人生大事。」 她又透露緋聞教練胡健燊不會同行,可能後半才加入,「希望佢會嚟到,為我哋打強心針。」談到她曾表示不排除跟胡教練「踩出火花」,她笑指對方只看體育版,並澄清「火花」是指踩單車興趣。

2019/01/11

長輩面前唔敢放肆 坤哥對住羅蘭姐變乖仔

  坤哥吳業坤因扮唔識溝女,但又勁多緋聞被指「偽毒」而聞名,不過他都有對住女性而唔敢放肆嘅時候。日前28歲坤哥拍住84歲羅蘭姐為TVB新劇《殺手》喺中環石板街開工,鏡頭前坤哥好似好愁咁要羅蘭姐開解,但鏡頭後坤哥對住長輩即收起平時鬼馬作風,恭恭敬敬咁幫手睇劇本兼扶出扶入,好乖仔咁喎!採訪:張詠森   坤哥平日鬼鬼馬馬好搞笑,雖然自稱好鬼毒,係成日溝唔到女嘅Loser,但實情緋聞女友一大堆,繼有港姐代表王卓淇、姐仔代表龔嘉欣、歌手代表Supergirls的Aka(趙慧珊)和網紅代表盤菜瑩子都同佢拉上關係,戰績相當彪炳。   不過,去到工作時坤哥都有認真一面,特別係對住前輩嘅時候,坤哥總算聽聽話話交足功課。日前夜晚9點幾,坤哥同相差56年的羅蘭姐在石板街拍攝《殺手》,劇中坤哥做CID「徐玉鳳」,唔知點解會同演殺手集團管理人嘅羅蘭姐有偈傾,仲似乎係羅蘭姐開解緊坤哥咁,佢哋拍咗一粒鐘就快手搞掂鬆人。

2019/01/11

為《廉政》唱主題曲 李克勤向導演放聲氣演殺手

  英皇賀歲片《廉政風雲 煙幕》,由麥兆輝執導、莊文強與黃斌監製,劉青雲、張家輝、林嘉欣、袁詠儀、方中信、陳家樂和湯怡等傾力合演,主題曲《活埋》亦請來份量十足的李克勤主唱,克勤更放聲氣話想參與演出,最好演殺手或「關鍵人物」。   李克勤講到聽到這首歌的第一個感覺,「真的非常《廉政風雲》,如果要為這齣戲去做一首主題曲,應該就是這首歌,十分貼題!」同時演繹國、粵語主題曲的李克勤,直言感到責任重大。   克勤對麥兆輝執導的作品瞭如指掌,感覺《活埋》非常適合用作《廉》片主題曲,「最鍾愛麥導演所營造的氣氛與張力,一切來得十分自然,令觀眾很容易置身其中;錄音時,我盡量幻想三大主角在戲中的畫面,藉音樂、聲音去揣摩角色。」克勤形象正面,之前也常演正派人物,其實心底渴望挑戰陰暗奸角,「如果要在《廉》片的角色當中選擇,我最想演殺手,但怕說服力不大,所以我會揀關鍵證人,話明『關鍵』,即是在戲中擔當重要角色,但又

2019/01/11

唔拍拖做孝順女 黃心穎陪阿媽買褸畀老竇

  黃心穎嘅家姐,前ViuTV藝人黃心美被爆收埋一年嘅神秘男友是馬清偉及薛芷倫26歲大仔馬桂烽(Justin),更指隨時做百億新抱。對於家姐泊到好碼頭,心穎話最緊要男方對家姐好。心穎都有貼心好男友馬明,日前下午,心穎唔拍拖陪媽媽行名店,見兩母女主力睇男裝外套,估計買嚟畀一家之主。   採訪:梁志明   心穎同馬明拍拖近兩年,進展非常好,一齊去旅行,男方又融入女方家中,家庭飯局都預埋佢。因為已公開,所以兩人經常情侶檔開工,搵錢之餘又可以拍拖,相當Good。但阿心穎BB把口要收吓,唔覺唔覺爆男友秘密事,例如指馬明儲埋好多老婆本,但唔知關唔關自己事喎。 買衫好小心   當日下晝5點,黃心穎同媽媽喺銅鑼灣時代廣場的名店行街,兩人一開始就睇男裝外套,咩款式都睇吓,沉色嘅鮮色嘅斯文款嘅多袋款嘅等等,睇咗半個鐘揀到心水就叫店員拎件新嘅,然後轉去睇女裝外套,睇衫其間兩母女唔多交流,行到咁上下去搵店員,再

2019/01/11

馬詩慧聚精會神揀狗用品 王麗嘉放狗晒靚臀

  名模馬詩慧有兩個女一個仔,細女王麗嘉(Irisa)今年23歲,因為經常喺ig貼性感相而被網民笑佢唔鍾意着衫,對於被批評,飲外國奶水大嘅 Irisa講到明無所謂。日前下晝4點,睇得好開嘅Irisa同佢阿媽去大坑放狗順便買狗用品,阿媽有錢所以主力負責掃貨,着貼身短褲嘅Irisa負責拖實隻狗,狗狗好得意,但路過嘅雄性動物只顧望住Irisa對靚腳。採訪:梁志明,李維隆   王氏一家嘅新愛犬屬法國鬥牛犬,叫Johnston,從王家Family ig可見,毛孩去年11月至出現,主人係王麗嘉,Ma Ma Irisa仲幫狗狗開咗ig,Frenchie迷即follow嘞喂。 眼中只有狗狗   當日下晝4點,王太Janet同Irisa及Johnston去大坑行寵物店,Janet好聚精會神揀狗用品,包括濕紙巾及潔牙棒,而Irisa就全程拖實及抱住狗狗。一間買完再行去另一間,今次就睇乾糧,兩母女睇咗好耐都未有

2019/01/11

搵錢上車為重唔認拍拖 朱智賢樂跟謝東閔搞緋聞

  朱智賢(Ashley)最近在逢周日播出的TVB劇《救妻同學會》首度任第二女主角,同胡鴻鈞和劉佩玥大搞三角戀,不過現實中她跟謝東閔早已被公認一對,日前更獲邀以情侶檔出席除夕騷。對於戀聞Ashley 仍死口唔認,仲話自己在搏殺期,只想專注工作買樓上車,希望大家Keep住當謝東閔是「緋聞男友」。 採訪:杜淑霞 服裝:@remember.shop   在《救》劇Ashley 戲份不少,最初她都好緊張,「《白色強人》之後,今次係最多戲份,好彩唔再係演專業人士,對白比較生活化,但係裏面有唔少動作戲,自己都好擔心,開拍前都有健身同埋學功夫,因為我冇乜運動細胞。」 唔介意繼續性感   憑《三日兩夜》性感浸溫泉被封「咪神」,問到Ashley 之後會否繼續行性感,她就話有需要都會繼續露,「老實講浸溫泉當然要着泳衣啦!冇諗過出嚟會咁大反應,不過嗰次真係多咗好多人認識我,仲畀人以為我係第一次主持《三日兩夜

2019/01/11

開45周年Show誠徵猛男 方伊琪被輪讚身材好

  樂壇前輩方伊琪為紀念入行45周年,將於2月在文化中心舉行「歌好月正圓」演唱會,除了搵嚟4條King王俊棠、譚錫禧、曾航生及歐信希做特別嘉賓外,還事先張揚會有神秘嘉賓隨時彈出嚟,至於係邊位?棠少幽默地抽劉德華水說:「因為佢有幾場未唱完,咪借方姨個舞台唱埋先,找住數畀歌迷。」方姨開心笑晒口話:「如果係,咁我哋可以有排開喇。」採訪:方騫平 場地:恒豐酒店   提到大眾偶像劉德華,方姨話兩人以前喺《歡樂滿東華》合作過,但華仔正在休養中,唔易請!她反而最想搵當日一齊拍《十月初五的月光》的「親生仔」張智霖,或者相交多年嘅「黑仔」姜皓文、《飛虎之雷霆極戰》中兒子黃宗澤、馬國明等,總之希望全king上陣,要開心啲玩轉party。   至於搵4條king做特別嘉賓,方姨話因為他們夠勇猛,肯義不容辭幫手:「識禧爺40多年,以前佢做樂隊,O依家唱埋歌;多年嚟同棠少合作無間,佢唱粵曲好好聽,連汪阿姐都讚

2019/01/11

友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd