首頁 日報娛樂

日報娛樂

tvN Movies賣座韓片 強勢登陸myTV Gold

myTV SUPER推出全新myTV Gold 服務,由5月1日起tvN Movies強勢登陸myTV Gold,tvN Movies點播區網羅韓國高票房猛片,讓觀眾隨時隨地安坐家中都可欣賞由宋康昊、孔劉、河正宇及全智賢等紅星主演,叫好叫座、最受歡迎及多元化的韓國電影。包括香港最賣座韓國電影,票房大收6800萬港幣的《屍殺列車》、由真人真事改篇,睇到咬牙切齒的《1987:逆權公民》及《逆權大狀》,同埋催淚又浪漫的愛情電影如《假如愛有天意》等,韓國電影迷絕不能錯過。撰文:廖思慧 全新推出嘅myTV Gold,包攬體育、紀實、電影、劇集娛樂、兒童、動漫、TVB、新聞財經節目內容,每月$148睇晒。而家仲請你睇埋NBA、英格蘭足總盃,即到 www.mytvsuper.com/mytvgold 或致電2399-9666查詢優惠詳情! **頻道、節目或節目內容如有更改,以myTV SUPER

2019/05/17

飛洛杉磯閉關個半月 33C張曦雯讀戲劇課程

  33C女神張曦雯(Kelly)樣靚身材惹火,入得廚房仲勁愛打機,被巴打捧為打機女神。近年,上位Kelly劇接劇,坦言唔想只做「花瓶」,早前正式向公司攞咗個半月大假,將飛美國洛杉磯讀演藝課程,搵到個好老師增值自己,因為學費同生活費唔平,唯有慳住使做窮學生。 採訪:方騫平   TVB的王牌節目《3日2夜》多年嚟捧紅唔少水着女神,喺該節目彈起嘅Kelly早前去泰國曼谷及象島取景,不過因為時間太趕,未有着性感比堅尼派福利。她還補充泰國之行一件漏網趣事:「我同象仔喺水中沖涼時俾佢踩瘀隻腳呀,其實出發前朋友已溫馨提示,提我要同象仔保持距離,點知其中一隻象瞓醒提起腳,放低腳時輕輕觸碰到我腳面,咁就搞到我隻腳腫咗,痛咗幾日。」 象仔踩瘀腳   今次旅程後,Kelly就開始「閉關」:「月中我同《跳躍生命線》演員馬德鐘、張彥博、羅天宇、何廣沛去雲頂開演唱會,第一次喺大場唱6首歌,好期待。之後去洛杉磯一個月

2019/05/17

為鍛煉身體行樓梯 韓星柳俊烈: 搞到無力拍戲

  32歲的韓星柳俊烈3月首度來港宣傳電影《飊風特警》,本月底又再有新作品《萬誘金錢》,今次他唔做警察變身股票經紀,雖然戲中冇乜動作場面,但俊烈話一樣唔易演,仲話演完後對金錢有另一種睇法。講到拍攝難忘事,竟是他為鍛煉每日行十多層樓梯去拍攝現場,最後搞到無力演戲而被迫放棄,聽落都覺得搞笑。 採訪:杜淑霞   戲中俊烈飾演的「趙逸賢」因接受神秘股壇大鱷利誘而搞到一身蟻,不過現實中的他就剛好相反,「我一開始會拒絕接受誘惑,因承受不了這種壓力和責任。拍完電影我有個結論就是『金錢不能在人之上』,雖然每個人富有的準則不同,但我認為人生中不能視金錢為最重要的東西,與好的人相遇,一起拍戲,我相信會得到比金錢更重要的東西。」 冇動作動作片   談到拍該片最困難的地方,俊烈認為各方面都好困難,「睇劇本時覺得是動作相關的戲,但實則是在沒動作場面下,將財技鬥爭拍到好似一套動作戲,這方面是最困難。」講到最難忘,俊

2019/05/17

同米原康正搞慈善相展 阮民安感激老婆拯救

  組合E-Kids成員Tommy(阮民安)跟「原宿女神」Eva Cheung奉子成婚兩年多,兩年抱兩!現年39歲的Tommy唔止造人好進取,受叻老婆影響,喺事業上都搵到新方向,轉型做埋策劃人的他,頭炮搞咗個日本人氣攝影大師米原康正慈善攝影展,於5月25日至6月1日展出大師約四十件作品並作慈善售賣,15位「現代女主角」分別有梁芷珊、女騎師江碧慧、趙慧珊(Aka)、譚杏藍(小花)、同埋模特兒老婆仔Eva Cheung等。 採訪:方騫平 化妝:seese_makeup 場地:尖沙咀Page148酒店   做咗人父及人夫,Tommy講嘢都叻咗,直言太太幫他長大,自從做咗太太經理人後變埋幕後策劃人,角色由被動變主動:「以前只識做幕前,當市道唔好,人氣唔夠時就好被動,好多嘢做唔到,啲人就認定你唔紅,爛醉、賭錢係因為有壓力,要逃避,好希望以自己嘅故事話畀人知,凡事係可以返到轉頭嘅,畀個機會人,畀個機會

2019/05/17

現身活動匆匆進場 陳燿璋避談與何艷娟戀聞

  前港姐季軍何艷娟去年7月與澳博營運總裁吳志誠入紙結婚,今月初突然在社交網站宣佈已離婚,其後爆出她與過百億身家的陳樹渠長子陳燿璋在派對擁吻的照片,陳燿璋昨晚出席一公開活動時,就避談是否戀上何艷娟。   剛宣佈離婚的前港姐何艷娟,傳聞戀上已故慈善家陳樹渠長子陳燿璋。陳燿璋昨晚現身藝術展優先預覽,欲避傳媒追訪但逃不過,他急步拒受訪,問到是否有新戀情?他只道沒甚麼好講,匆匆進場並以英文稱被傳媒嚇到,當傳媒恭喜他時,他只謂不知恭喜甚麼,全程迴避。   另外,與趙式芝離婚後,在社交網自言找到幸福並更新狀態「戀愛中」的楊如芯,昨晚坦言回復自己,已放低之前,展開新戀情,離婚手續已七七八八,所有愛犬跟她,與前度再見亦是朋友。貝安琪產後fit爆,因兩歲兩個月大囝囝好重,抱他似做運動,所以沒有刻意減肥。

2019/05/17

勝利獲釋觸發促請罷免法官

  韓國天團BIGBANG前成員勝利涉嫌性招待及貪污等罪行,大前日被韓警申請拘留,但法院駁回申請,同日晚上勝利獲釋。前晚就有韓媒影到勝利到健身室運動,神情輕鬆,出入時都面帶笑容,立即引來網民鬧爆,指他未有反省之意。法官的判決激起韓人不滿,有網民發起在總統府青瓦台網頁聯署要求罷免該法官,到昨日中午已有超過30,000人簽署。

2019/05/17

鄧建明監製校長作曲 湯寶如落重本推廣東新歌

  已經上咗岸的湯寶如(湯記)繼兩年前自資推出廣東新歌《獨愛》回歸樂壇後,最近再自掏腰包灌錄由校長(譚詠麟)作曲、梁栢堅作詞,講大愛的新歌,湯記更請來太極樂隊成員鄧建明(Joey Tang)做監製,然後Joey拉埋他的師傅,資深唱片監製葉廣權幫手做混音,有一個殿堂級組合做back up,湯記好大手筆呀,湯記坦言雖然唱咗29年歌但唱歌熱情不減:「唔唱歌感覺好辛苦,會手痕。」採訪:方騫平   當日Joey Tang在張敬軒的錄音室迎接湯寶如,雖然首次幫湯記做歌曲監製,但兩人識咗多年一啲都唔陌生,Joey更爆被湯記鬧過:「我幫佢做《獨愛音樂25周年演唱會》band leader,當時有小小摩擦,佢怪責我編亂咗嗰part四大天王串燒歌,搞到佢好難唱,所以之後改得好緊要,當時我仲諗『死啦,咁樣不如唔再撈啦!』不過,我都好體諒,因為湯記好耐未唱過,難免有壓力。」對此,湯記一臉茫然,笑笑口反問:「係咩

2019/05/17

發掘關西新玩法 周奕瑋同師奶鬥搶蝦

  去年周奕瑋(Jarvis)主持的《周遊東京》成為民選「最受歡迎綜藝節目」,亦攞到TVB其中一個「最佳非戲劇節目」獎,連鄭裕玲都讚好睇。相隔半年,Jarvis再推新作《周遊關西》,雖然大阪及京都是港人熱門旅遊地方,但佢唔怕接受挑戰,認為有啲地方,唔同時間就有唔同玩法,打算去關西玩的讀者要留意嘞。採訪:方騫平   對於首次走出東京做旅遊節目,Jarvis坦言有壓力但又覺得好有新鮮感,「依家大阪人都向南玩,南邊有個城市叫堺,較少遊客會去,有好多正嘢,好似有新開嘅吞拿魚主題公園,有得睇劏魚騷,即劏大拖羅壽司一盒6件只要1500日圓(約107港元),價錢平過黑門市場好多,仲可以競投魚頭。」   Jarvis介紹到停唔到,佢話玩完吞拿魚主題公園仲可以搭車去二手百貨公司,「兩層高嘅百貨公司全部賣二手名牌貨,衫褲鞋之餘仲有結他,兼有專業鑒證師駐場保證買得安心,就算睇漏眼,只要證明到係假貨都會全數賠償,

2019/05/17

入行後曾受誘惑 吳國敬:我把持得住

  吳國敬前晚出席《流行經典50年》,聲帶發炎的阿敬表示要打類固醇針,原打算獻唱《是否》,但怕應付不來,故改唱抒情慢歌《其實我深深愛著你?》。談到好友許志安被揭偷食黃心穎事件,他表示有慰問安仔,但沒有打擾他,希望留一點空間給對方。   吳國敬正準備錄製入行以來首隻國語歌,他笑言早前推出發燒碟時遭fans取笑,指沒有新歌只懂食老本,故決意推出首隻國語歌。談到好友許志安自從「安心事件」後沉靜了一陣,問有否慰問對方?阿敬說:「有慰問,但沒有打擾他,無論怎樣都會支持他,做好自己便可以,過去了就不要再提,總之留些空間讓他處理自己事情。」那有否慰問鄭秀文?阿敬說:「一句問候就可以,局外人不敢給予太多意見。」   問到入行以來可有受過誘惑?阿敬即說:「誘惑一定有,但我把持得住。」阿敬被追問何時跟女友拉埋天窗時,他似有弦外之音說:「一係唔搞,一係就連同百日宴一齊搞。(是否有喜?)是有……了共識,總之雙喜臨

2019/05/17

機場下跪求婚成功 林利娶台灣歌迷做老婆

  52歲林利因患直腸癌,去年1月割除腫瘤,休養三個月後即復工。大前日(14日)林利於臉書上載與女友黑白合照,留言:「終於 柔情蜜意…」,原來他向拍拖半年的女友Erin求婚成功;今年母親節,林利帶着Erin跟母親一起慶祝。   30多歲的Erin是台灣人,從事珠寶生意,早年更是林利的歌迷,二人相識多年,重逢後發展迅速,本月5日Erin來港,林利到機場接機,就在入境大堂下跪求婚,說:「嫁給我吧!」女友雖然被嚇一跳,但亦感動落淚答應了,林利當時也激動到喊。林利透露婚禮將簡單進行,只會登記而已。   林利大讚未婚妻真誠和包容,而他早有計劃將來移居台灣,故今次娶台灣太太實在是天意。

2019/05/17

如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd