首頁 即時娛樂

孖惠英紅演夫妻 姜皓文挑戰扮變性人

05/12/2017 14:43:00
姜皓文突破心理關口演變性人,惠英紅希望新片有好成績。
姜皓文突破心理關口演變性人,惠英紅希望新片有好成績。

惠英紅、姜皓文(黑仔)主演的電影《翠絲》日前正式開鏡拍攝,其他參演演員有吳肇軒、余香凝及周祉君等。電影講述變性人「翠絲」身心上由男變女的過程,一向男人味爆燈的黑仔去演繹翠絲一角,對他而言無疑是極大挑戰。黑仔表示:「呢個絕對係我從影生涯其中一個最大挑戰同突破,自己事前都做足功課,為呢個角色做足身、心上嘅準備,係有啲心理關口要突破嘅!」

至於今次在電影中與惠英紅演一對夫婦,名符其實成為「黑紅配」,黑仔坦言:「梗係興奮啦!紅姐一向咁好戲,仲要係今屆出爐金馬影后,我感到榮幸之餘,亦都希望我哋今次合作可以擦出火花!」

惠英紅知道拍攝檔期緊張,已密密開工,劇組方面亦安排了驚喜給她,在正式開工前由監製及導演作代表送上鮮花及心意咭,祝賀她成為出爐金馬影后,逗得紅姐非常開心。紅姐坦言:「呢個係一個好窩心嘅劇組,希望可以將我拎金馬影后呢個旺氣帶到落呢部戲啦!」

劇組送惠英紅鮮花及心意咭。
劇組送惠英紅鮮花及心意咭。
《翠絲》正式開鏡
《翠絲》正式開鏡

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd