首頁 即時娛樂

【咀嘴1分鐘】林子善承諾愛護老婆 望下年生B做好爸爸

03/04/2018 19:34:00
林子善要做好老公、好爸爸。
林子善要做好老公、好爸爸。

林子善跟老婆董佩欣今日補擺喜酒,二人見傳媒時應要求咀足1分鐘,更180度轉身供傳媒拍照。林子善透露原先打算筵開50圍,因朋友畀面,最終開足63圍,他說:「今次擺酒用7位數(以百萬計),之前已經同老婆有共識儲錢,勁慳。除咗TVB嘅工作外,自己去其他地方跑山跑返嚟,唔計賺定蝕,擺酒最緊要飲得開心。」談到今早接新娘情況,林子善笑說:「星級兄弟團嘛!班姊妹見到鄭嘉穎、馬國明同袁偉豪佢哋,都已經電暈晒姊妹,開晒門畀佢哋入。」

至於「愛的宣言」?林子善稱做出來比講更好,亦不喜歡空口講白話,他承諾每日進步及愛護老婆,要自己有健康身體才可以保護到老婆,陪對方行埋下半世路。至於爆喊位,他笑說:「未講『愛的宣言』已經爆喊,跪抵斟茶畀外父外母已經爆喊。」新娘子董佩欣就畀老公100分,子善即插嘴道:「80分好喇!我要進步空間。」

談到造人計劃,子善笑說:「未做得,希望小朋友生活有保障,所以想買樓先。同埋做好身體檢查先敢生,希望下年成事。」問及婚戒,他謂:「係1點6卡,雖然自己買唔到最大粒,但都要買最好品質畀太太。」

星級兄弟團電暈姊妹團
星級兄弟團電暈姊妹團
其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd