首頁 即時娛樂

顏卓靈粉絲團男多女少:希望吸納多啲女粉絲

13/06/2018 18:01:00

顏卓靈(Cherry)早前正式成立Fan Club,並命名為「車厘子軍團」,自從有軍團粉絲撐住,令她更珍惜疼錫自己的人。Cherry笑說:「我要叫佢哋做車厘子軍團,我對佢哋好有使命感同歸屬感,佢哋不計勞苦咁陪住我,之前電影謝票佢哋場場都有出現支持,仲買埋飛入戲院打氣一齊謝票,又幫其他觀眾打燈影相,連謝票燈光組都做埋,佢哋好撐住我,仲大叫我顏卓靈個名,其實我鍾意人哋嗌我全名,不過就因為工作未有正式同佢哋傾偈,我之前喺吉隆坡拍戲想起返到香港一定要搞成,好在今次真係夢想成真。」

成立Fan Club當日,Cherry送出海報給大家,席間又玩多個遊戲,她開心謂:「我好耐冇咁開心玩集體遊戲,本來佢哋想我做主持人咁,不過我都想玩埋一份,大家玩到好似小朋友咁。雖然大家未係好熟,不過透過遊戲反而可以加強溝通,而且又分享下日常小事,好希望快啲又再有聚會。」對於Fan Club比例似乎男多女少,Cherry笑說:「通常都係異性相吸嘛,其實都幾正常呀。」不過她都希望能吸納多些女粉絲呢。

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd