首頁 即時娛樂

【父親設靈】計劃同家人散心 袁偉豪遺憾亡父未能見證成家立室

14/06/2018 17:41:00
袁偉豪與母親及女友張寶兒抵達殯儀館。
袁偉豪與母親及女友張寶兒抵達殯儀館。

袁偉豪父親袁永泰在5月中旬因癌症逝世,終年67歲。今日袁父於紅磡世界殯儀館設靈,約下午4時袁偉豪、袁媽媽及女友張寶兒到靈堂打點。袁偉豪透露父親喪禮以道教儀式進行,明天舉行大殮隨即火化。靈堂以白色鮮花為主,橫匾掛著「浩氣長存」四字,祭品中有一以世界盃為畫面的紙紮電視。靈堂佈滿花牌,致送者包括樂易玲、歐陽震華、胡定欣、梁烈唯夫婦、電視廣播有限公司及警務處處長暨全體同仝等。

袁偉豪表示早上到公眾殮房領取父親遺體,談到袁媽媽心情如何?他說:「媽咪心情反覆一啲,特別領遺體嘅時候,大家都忍唔住喊,無辦法。事發(逝世)至今都有一個月,期間可能都有喘息空間,但嚟到呢兩日難免傷感。」

談到他的心情,袁偉豪謂:「心酸、心痛。完成呢兩日、完成本身嘅工作,會同屋企人度假散心。」談到父親生前哪些說話令他一生受用?他稱:「聽媽咪講返好感觸,爸爸都知道自己狀況,話想睇埋個世界盃同去埋迪士尼,可惜做唔到。都係由睇報告一至兩個月時間。自己一個人靜、獨處嘅時候,都會諗起同爸爸嘅往事。」

袁偉豪提到父親病痛時沒吃過一粒止痛藥,「佢嘅痛我哋只見到表面,真正嘅痛只有佢先知道。由3月到依家,個情況下滑得好快。」談到袁父去世前可有教誨,如好好照顧袁媽媽,他邊哭邊說:「我相信佢會好放心,不過爸爸未能夠睇到我成家立室,但我會努力。」

張寶兒
張寶兒

另外,張寶兒坦言跟袁爸爸未算認識很久,但聽過他的往事,知道他是一風趣及能幹的警察。她提到每個人都會面對死亡,亦難免傷痛,她唯一可做的事就是多點陪伴袁偉豪及袁媽媽。

其他文章
丹爺邊拍邊畀意見 《大師兄》新演員瞓身演出

由「宇宙最強」甄子丹主演的新戲《大師兄》將於本周四上映。導演闞家偉率領戲中飾演學生的四...

hd