首頁 即時娛樂

結婚3年拍拖9周年 王祖藍李亞男宣佈有喜

13/07/2018 13:23:00
祖藍今年初接受《星島日報》專訪時,已望狗年能連生貴子。
祖藍今年初接受《星島日報》專訪時,已望狗年能連生貴子。

結婚3年多的王祖藍和李亞男(Leanne),今午於社交網宣佈有喜,是日更是二人拍拖9周年紀念日,選擇在如此特別的日子公布喜訊,著實相當浪漫。對於結婚3年多終榮升爹哋,祖藍笑謂:「首先好感恩啦,可以喺拍拖9周年紀念日去宣佈呢件事,我哋拍拖嗰時係2009年,咁啱9年後有個小朋友,咁希望所有嘢都可以長長久久啦。亦都好感謝上帝,幫我哋安排晒所有嘢都喺計劃入面進行,之前應承過Leanne搬出嚟二人世界之後,過兩年左右先有小朋友,依家真係實現到,真係好感恩。」

祖藍又笑謂其公司十分旺丁:「我哋先後有兩個員工有咗,依家計埋我老婆就3個人,咁如果想生B,入嚟我公司做啦!」祖藍更叮囑大家幫忙「睇住」老婆,盡顯「暖藍」本色:「做媽媽真係好辛苦㗎,佢為BB付出咗好多,又睇書啦,又改變自己飲食習慣啦,又好緊張去預備好多嘢啦,所以麻煩大家照顧吓佢啦。」祖藍亦不忘搞笑本色謂:「大家最近除咗睇法國定克羅地亞贏呢?我建議開多個盤,就係究意將來BB嘅高度係會似我定似阿媽呢?相信都幾啱用嚟打牙骹戰。」

祖藍笑謂估下BB高度似他還是似亞男。(資料圖片)
祖藍笑謂估下BB高度似他還是似亞男。(資料圖片)

向來十分喜歡小朋友的李亞男則表示:「好開心終於做媽媽喇,第一時間知道嗰陣真係好驚喜,同埋有啲唔敢相信。因為我哋雖然係Plan今年做爹哋媽咪,但冇諗過咁快就實現到,真係好感恩。其實仔定女我都冇所謂,因為我都會好鍾意。最緊要係BB嘅成長過程夠健康,同埋佢嘅成長夠開心快樂。」李亞男又謂已向Amazing Esther一眾好姊妹分享喜悅:「我有向Linda(鍾嘉欣)同宋熙年取經,問定佢哋有咩嘢唔食得,同埋可唔可以做運動,真係好多好多問題想問,始終自己冇經驗。」她又謂為了BB著想,已對十分喜歡的食物盡量Say No:「我食少咗好多甜品,同埋飲少咗好多咖啡呀,我以前可以一日飲幾杯㗎。雖然呢啲都只係好小嘅事,但已令我體會到做媽媽係需要付出好多嘅愛。」李亞男又承諾現階段會好好Take Care自己,多點休息,果然為升呢媽咪做足準備。

其他文章
保良140周年 總動員搞大巡禮 蔡李惠莉全情投入 做好青年發展

今年保良局踏入140周年,主題為「載滿經典、躍動創新」。適逢由「玩具大王」蔡志明太太...

hd