首頁 即時娛樂

麥雅緻4歲囡囡爆喊怕媽媽死:我都眼眶泛淚

17/10/2018 15:33:00
麥雅緻聽到囡囡唔想媽媽變老、死,都感動得眼眶泛淚。(ig圖片)
麥雅緻聽到囡囡唔想媽媽變老、死,都感動得眼眶泛淚。(ig圖片)

麥雅緻與老公張頴康育有一對仔女,4歲大女小豆非常可愛,精靈趣緻。今日麥雅緻分享送囡囡返學時的對話,小豆問:「乜嘢會變老,乜嘢唔會?」好奇車上掛著的公仔會否變老?小豆又突然之間問:「媽媽你會唔會老? 會唔會死㗎? 」

麥雅緻答:「會㗎...媽媽都會老,媽媽都會死」,並留言:「咁佢(小豆)就話死咗係咪會飛上去個moon嗰度?(因為之前我嫲嫲離開就話畀佢知太嫲去咗月亮度(佢間中抬頭望到月亮,都會覺得太嫲睇緊佢...)之後大家靜咗...我回頭望佢嘅時候,我已經見佢流緊眼淚...佢細細聲講:媽媽我唔想你老唔想你死...」對話感人,麥雅緻都自言眼眶泛淚 ,及承諾努力做運動,好好照顧家人,又叫小豆少令媽媽激氣,乖巧的小豆也回答:「好啦咁我做個乖孩子,唔激你喇媽媽」。

不少網民見到麥雅緻在社交平台甫出的小豆爆喊相,都表示感動及稱讚小豆乖女,留言:「生女真係窩心」、「看到這段文字眼眶都濕啦」、「小豆好善良好可愛,傻豬」。

麥雅緻一家四口(ig圖片)
麥雅緻一家四口(ig圖片)

其他文章
《是咁的,法官閣下》題材貼地 黃智賢讚王君馨可愛 望再合作

黃柏高   由黃智賢(Ben)、王君馨(Grace)和王梓軒主演的TVB劇集《是...

hd