首頁 即時娛樂

爆肚「生仔論」成熱話 網民勁buy林雪喜感粗口

19/04/2019 16:52:00
網民都讚林雪講粗口很好笑。
網民都讚林雪講粗口很好笑。

一對夫婦,兩個兒子加兩個媳婦,一起迫住「豆膶公屋」,星斗市民的蝸居生活確是有苦自知。hmvod原創劇《向西聞記》,內裏的 9 個單元各具本土風味,當中的單元《碌架床》正是描述一家6口在兩房的300呎公屋困獸鬥,兩兄弟與老婆兩對夫妻爭房爭廁甚麼都爭,父母自然牽涉其中,每天「家嘈屋閉」,雞犬不寧。

其中一幕,講述哥哥鄧健泓與弟弟王宗堯為爭房吵架,父親林雪看得火冒三丈,爆粗狂罵,兼且一鎚定音,「邊X個生個孫俾我,間屋就俾邊個!」兩兄弟一聽完即各自捉住老婆石詠莉及蔡明思 ( Jessica@SuperGirls ) 入房「行動」,進行造人大計。餘怒未消的林雪就繼續爆粗,但又反對兩個仔的「白日行動」,「日頭唔好做呀,日頭中嗰啲,生出嚟嗰啲黑色架,你兩個咁白淨,你問吓你老母吖,我哋晚晚..嘻嘻..」

這段長約兩分鐘的片段自日前曝光後,一日點擊率已過50萬,網民留言群情洶湧,近乎全部都讚林雪講粗口很好笑,非常港式地道、自然奔放、喜感瀰漫,「日頭中嗰啲,生出嚟嗰啲黑色架」更成金句,令網民笑翻。

林雪的黑白BB生仔論,原來是拍戲當日即場爆肚,因為林雪素來「劇本就喺個腦」,消化了角色再自然吐納,效果相當生活,他說:「做戲就係做緊生活,我好少家嘈屋閉,但一家人點都有啲拗撬時候,就係因為係一家人,愛之深責之切嘛。」

林雪的地道粗口會隨住《向西聞記》在4月30日起飛,去到NETFLIX走遍全球,雖則網民buy他爆粗,但林雪亦有其看法:「其實我講粗口唔代表認同講粗口係一件好事,相反好想話畀後生仔女聽,唔好講咁多粗口,因為粗口有時會傷害人,不過粗口始終係我哋一種文化,希望大家當睇喜劇,睇吓笑吓就算。」

《向西聞記》發相
《向西聞記》發相
《向西聞記》發相
《向西聞記》發相

《向西聞記》發相
《向西聞記》發相

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd